Trosolwg o'r swydd

Ydych chi'n angerddol am ddarparu'r safonau uchaf o ofal ac addysg i gleifion? Rydym yn chwilio am Ymarferydd Adfywio deinamig i ymuno â'n tîm yng Ngwasanaeth Canser Felindre wrth i ni baratoi i symud i'r Ganolfan Canser Felindre newydd (CGFn).

Yn y rôl hon, byddwch yn arwain hyfforddiant adfywio o ansawdd uchel, yn cefnogi timau clinigol yn ystod argyfyngau, ac yn datblygu mentrau ar draws yr Ymddiriedolaeth i wella arferion adfywio a llywodraethu offer. Byddwch yn gweithio ar y cyd i sicrhau rhagoriaeth mewn gofal cleifion, addysg a darparu gwasanaethau, yn unol â safonau cenedlaethol a chodau ymarfer proffesiynol.

Yn y rôl allweddol hon, byddwch yn cyflawni’r canlynol:

• Darparu cyfeiriad, addysg a chefnogaeth i'n tîm amlddisgyblaethol, ac yn meithrin rhagoriaeth mewn amgylchedd dysgu o safon.
• Gweithio ar y cyd i sicrhau gofal rhagorol i gleifion ac i ddarparu gwasanaeth effeithiol mewn hyfforddiant adfywio, gan wneud y defnydd gorau o adnoddau ac offer.
• Cefnogi darpariaeth weithredol ein fframwaith sicrwydd llywodraethu, gan sicrhau bod yr holl hyfforddiant a gwasanaethau yn bodloni'r safonau sefydliadol a chenedlaethol uchaf.

Prif ddyletswyddau'r swydd

Prif Ddyletswyddau:

• Dangos arbenigedd mewn ymarfer ac addysg adfywio, a bod yn atebol am ansawdd yr hyfforddiant a'r cymorth bywyd a ddarperir.
• Gweithredu fel arbenigwr clinigol a model rôl, gan ddarparu addysg a chefnogaeth i nyrsys a meddygon iau sydd wedi'u lleoli ar wardiau.
• Rheoli ac arwain ataliad ar y galon ac argyfyngau meddygol yn annibynnol o fewn Gwasanaethau Canser Felindre.
• Arwain a chyflawni llywodraethu offer adfywio a mentrau lleihau ataliad ar y galon ar draws yr Ymddiriedolaeth.

Os ydych chi wedi ymrwymo i ragoriaeth glinigol ac eisiau gwneud gwir effaith ar ganlyniadau cleifion, byddem wrth ein bodd yn clywed gennych chi!

Mae'r gallu i siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg a/neu Saesneg wneud cais.  

Gweithio i'n sefydliad

Yma yn Ymddiriedolaeth GIG Prifysgol Felindre, rydym yn hynod falch o'r gwasanaethau arbenigol a ddarparwn ledled Cymru yn ein Canolfan Ganser Felindre arloesol ac ein Gwasanaeth Gwaed Cymru gwobrwyedig. Yn ogystal ag arbenigedd ein swyddogaethau corfforaethol sy'n dod â'r ddwy adran at ei gilydd. Rydym hefyd yn ffodus i gynnal Partneriaeth Cydwasanaethau GIG Cymru a Thechnoleg Iechyd Cymru ac rydym wedi datblygu gwaith partneriaeth cryf gyda'r gwasanaethau arbenigol hyn.

Wedi'i sefydlu ym 1999, mae gan yr Ymddiriedolaeth weithlu ymroddedig sy'n ymdrechu'n barhaus i ddarparu egwyddorion allweddol gofal iechyd sy'n seiliedig ar Werth  drwy amrywiaeth eang o rolau. Rydym yn chwarae rhan hanfodol yn y cymunedau rydym yn eu cefnogi ac mae gennym gynlluniau uchelgeisiol ar gyfer y dyfodol i barhau i wella'r gwasanaethau a ddarparwn. Rydym yn ymdrechu i gynnal ein gwerthoedd craidd ym mhopeth a wnawn drwy fod yn; atebol, beiddgar, gofalgar a deinamig, a sicrhau'r gofal gorau posibl i'n cleifion a'n rhoddwyr.

Os ydych am weithio i sefydliad sy'n ymfalchïo mewn gwneud gwahaniaeth go iawn ac sy'n cynnig cyfleoedd gyrfa cyffrous, yna Ymddiriedolaeth GIG Prifysgol Felindre yw'r lle i chi.

Ewch i'n gwefan i gael rhagor o wybodaeth: https://velindre.nhs.wales/