Trosolwg o'r swydd

Mae cyfle wedi codi i Hematolegydd Ymgynghorol ymuno â thîm BIP Hywel Dda. Rydym yn cynnig rôl ddynamig a gwerth chweil mewn rhan brydferth o Gymru. Rydym yn chwilio am unigolyn hynod ymroddedig a llawn cymhelliant i ymuno â'n tîm Hematoleg a fydd yn gallu dod â rhywfaint o is-arbenigedd i'r tîm ehangach. Mae'r bwrdd iechyd yn gweithredu dros bedwar safle yng ngorllewin Cymru. Bydd y swydd hon yn cwmpasu Ysbyty Bronglais yn Aberystwyth gan hefyd gefnogi'r tîm ehangach.

Mae ein tîm o 7 meddyg ymgynghorol yn darparu gwasanaeth hematoleg cynhwysfawr yn y pedwar ysbyty mewn ardal o harddwch eithriadol. Bydd y swydd hon yn cefnogi ystod eang o grwpiau cleifion. Yr ysbyty hwn yw ein lleiaf o'r pedwar ac mae'r tîm ar wasgar rhwng y pedwar safle. Mae'r gefnogaeth i’r swydd yn cynnwys Meddyg Arbenigol, tîm o nyrsys clinigol arbenigol Hematoleg a fferyllwyr Hematoleg Arbenigol.

Mae ein staff wrth galon ansawdd ein gwasanaeth ac rydym am ychwanegu at ein niferoedd. Rydym yn chwilio am rywun i ddod ag arbenigedd ychwanegol a brwdfrydedd dros ddarparu rhagoriaeth.

Prif ddyletswyddau'r swydd

Clinigol – Dylai'r sawl a benodir allu dangos profiad o reoli pob cyflwr Hematolegol. Bydd yr ymgeisydd llwyddiannus yn gallu datblygu is-arbenigedd ar draws y bwrdd iechyd a gweithio ochr yn ochr â'r ymgynghorwyr eraill i gyfrannu at dimau is-arbenigedd.

Cleifion mewnol – Bydd disgwyl i'r sawl a benodir ymgynghori ar yr holl gleifion mewnol gyda'r tîm meddygol lleol sy'n gofalu amdanynt. Bydd addysgu ychwanegol ar reoli cleifion hematoleg yn hanfodol. Cysylltu â'r Gwasanaeth Oncoleg Acíwt sy'n cwmpasu cleifion mewnol hematoleg.

Cleifion allanol – Bydd disgwyl i'r sawl a benodir gymryd rhan mewn 3-4 clinig yr wythnos. Gellid ystyried llwyth gwaith is-arbenigol arall, gan ddibynnu ar brofiad yr ymgeisydd hyd yma. Mae nifer gynyddol o gleifion sy’n dychwelyd o’r canolfannau trydyddol ar ôl triniaethau sy'n dychwelyd adref rhwng cylchoedd triniaeth y mae angen mewnbwn ychwanegol arnynt gan y tîm hematoleg lleol. Ar hyn o bryd mae prosesau allusgno mêr esgyrn (BMA) yn cael eu gwneud yn wythnosol. Anogir clinigau ffôn o ystyried yr ardal wledig ac anallu ein cleifion i deithio.

Labordy – Bydd disgwyl i'r sawl a benodir helpu gyda chyngor a mewnbwn ar ffilmiau gwaed a llunio adroddiadau mêr esgyrn.

Cynhelir cyfarfod wythnosol o’r tîm amlddisgyblaethol ledled y Bwrdd Iechyd, a bydd cyfleoedd i ymuno â thimau eraill o’r fath o blith timau amlddisgyblaethol Cymru gyfan (Lymffoma, Myeloma, Myeloid).

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio. 

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu. 

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr. 

Darperir ein gwasanaethau yn: 

• Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlfford 
• Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro 
• Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall 
• 48 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 99 o fferyllfeydd cymunedol; 43 o bractisau offthalmig cyffredinol; ac 8 o ddarparwyr offthalmig cartre 
• Lleoliadau niferus yn darparu gwasanaethau iechyd meddwl ac anableddau dysgu