Trosolwg o'r swydd

Ymunwch â’r tîm pediatrig yn Ysbyty Bronglais a datblygu eich gyrfa wrth fyw a gweithio yn un o’r rhanbarthau arfordirol harddaf yng Nghymru.

Rydym yn chwilio am Feddyg Arbenigol ymroddedig mewn Pediatreg i ymuno â’r tîm yn Ysbyty Bronglais. Mae’r swydd barhaol hon yn cynnig cyfle i weithio ar lefel gradd ganol o fewn gwasanaeth pediatrig cefnogol a sefydledig, gan ofalu am blant a phobl ifanc ledled Ceredigion a’r Canolbarth.

Byddwch yn ymuno â rota ochr yn ochr â hyfforddeion pediatrig a Meddygon Arbenigol profiadol, gan gyfrannu at amgylchedd tîm cydweithredol a chyfeillgar. Mae’r rôl yn cynnwys cyfleoedd i arwain gofal ar wardiau, magu profiad clinigol eang, a datblygu diddordeb arbennig trwy amser clinig pwrpasol, absenoldeb astudio, a goruchwyliaeth addysgol.

Mae Bwrdd Iechyd Prifysgol Hywel Dda yn cynnig y cyfle i adeiladu eich gyrfa wrth fwynhau ansawdd bywyd rhagorol yng Ngorllewin Cymru. A chithau’n gweithio yn Aberystwyth, byddwch yn elwa ar dref arfordirol fywiog, ymdeimlad cryf o gymuned, a rhai o ardaloedd arfordirol a chefn gwlad mwyaf ysblennydd y DU o fewn cyrraedd hawdd. Mae’r ardal yn cynnig ffordd o fyw sy’n cyfuno byw yn yr awyr agored, atyniadau diwylliannol, ac amseroedd cymudo byrrach, gan ei gwneud yn lle deniadol i fyw a gweithio.

Byddwch yn gweithio o fewn sefydliad cefnogol sy’n gwerthfawrogi gwaith tîm, lles staff, a datblygiad proffesiynol. Mae cyfleoedd ar gyfer hyfforddiant, addysgu a dilyniant gyrfa yn cael eu hannog yn weithredol, gan eich galluogi i ddatblygu eich sgiliau mewn lleoliad clinigol amrywiol a gwerth chweil.

Prif ddyletswyddau'r swydd

Byddwch yn elwa ar amodau gwaith cefnogol wrth ddatblygu eich gyrfa mewn gwasanaeth pediatrig sy’n gadarn ei strwythur.

Mae’r Gyfarwyddiaeth Iechyd Menywod a Phlant yn darparu gofal i blant, pobl ifanc a menywod ledled Hywel Dda. Cefnogir y gwasanaeth pediatrig gan uwch dîm nyrsio profiadol ac mae’n canolbwyntio ar ddarparu gofal integredig o safon.

Yn ysbyty allweddol sy’n gwasanaethu poblogaeth Ceredigion a’r Canolbarth, mae Bronglais yn darparu ystod eang o wasanaethau pediatrig cyffredinol mewn amgylchedd clinigol agos-atoch a chefnogol. Byddwch yn gweithio’n rhan o dîm amlddisgyblaethol sy’n darparu gofal diogel ac effeithiol wrth gefnogi hyfforddiant a datblygiad gwasanaethau.

Cynlluniwyd y gwasanaeth pediatrig ehangach ar draws Hywel Dda i ddiwallu anghenion y boblogaeth leol, a phediatreg acíwt yn cael ei darparu ar draws safleoedd ysbytai cyffredinol dosbarth ac Uned Gofal Arbennig Babanod (SCBU) ganolog, sy’n rheoli tua 250 o dderbyniadau y flwyddyn. Cefnogir gofal dwys newyddenedigol gan wasanaeth trafnidiaeth rhanbarthol.

Gweithio i'n sefydliad