Trosolwg o'r swydd

Rydym yn chwilio am weithiwr cyllid proffesiynol profiadol â gwerthoedd yn ei lywio i ymuno â Bwrdd Iechyd Prifysgol Hywel Dda yn rôl Uwch-bartner Busnes: Comisiynu, Gwybodaeth Fusnes a Gwerth. Mae hwn yn gyfle pwysig i arwain mewn Bwrdd Iechyd sy'n canolbwyntio ar ddarparu gwasanaethau diogel, cynaliadwy a hygyrch i gymunedau Gorllewin Cymru.

Byddwch yn gweithio ledled poblogaeth wledig a gwasgaredig yn ddaearyddol, sy'n golygu heriau nodedig, ond mae hefyd yn creu cyfle gwirioneddol i arloesi. Mae'r Bwrdd Iechyd yn parhau i ddatblygu ei ddull mewn perthynas â gofal iechyd seiliedig ar werth, gwella ansawdd, datblygu sefydliadol, gwybodaeth fusnes a gwasanaethau digidol, gan sicrhau bod dirnadaeth ariannol yn chwarae rhan ganolog yn y broses o gefnogi gwell canlyniadau a gwasanaethau cynaliadwy.

Mae'r rôl yn cynnig y cyfle i weithio wrth wraidd prosesau gwneud penderfyniadau strategol, gan gefnogi uwch-arweinwyr clinigol, gweithredol a chorfforaethol i nodi cyfleoedd, deall effaith ariannol a datblygu datrysiadau ymarferol. Bydd hon yn swydd addas i weithiwr cyllid proffesiynol cymwys sy'n gyfforddus yn gweithio ar draws ffiniau sefydliadol, gan ddylanwadu ar lefel uwch a throsi gwybodaeth gymhleth yn ddirnadaeth eglur, ymarferol.

Prif ddyletswyddau'r swydd

• Arwain y gwaith o nodi, datblygu a chyfathrebu cyfleoedd ariannol a chyfleoedd ar gyfer effeithlonrwydd a gwerth, gan sicrhau cysondeb â rhaglenni gofal iechyd seiliedig ar werth ac ymgysylltiad effeithiol â Grwpiau Gofal Clinigol.
• Darparu arweinyddiaeth a chyfeiriad i'r timau cyllid Gwybodaeth Fusnes a Gwerth, Costio a Chomisiynu, gan weithio'n agos gyda Phartneriaid Busnes Cyllid i gefnogi'r gwaith o gyflawni amcanion y Bwrdd Iechyd.
• Bod â rôl arweiniol o fewn yr agenda gomisiynu, sy'n canolbwyntio ar Gytundebau Hirdymor a Chytundebau Lefel Gwasanaeth â Byrddau Iechyd a darparwyr gofal iechyd eraill, gan asesu perfformiad yn ystod y flwyddyn a chefnogi trafodaethau ariannol effeithiol i sicrhau gwerth a chynaliadwyedd ariannol.
• Gweithio'n agos gyda'r Pennaeth Comisiynu Strategol a chyd-weithwyr uwch eraill i gefnogi datblygiad trefniadau gweithio'n rhanbarthol a gwasanaethau cydweithredol.
• Parhau i ddatblygu a mireinio methodoleg gostio'r Bwrdd Iechyd.
• Darparu goruchwyliaeth a mewnbwn arbenigol i adolygiadau o effaith ariannol. 
• Datblygu dealltwriaeth y Bwrdd Iechyd o effaith ariannol y galw am ofal iechyd. 
• Gweithio gyda'r Cyfarwyddwr Cyllid Cynorthwyol: Comisiynu, Gwybodaeth Fusnes a Gwerth ar draws yr agenda.
• Arwain y tîm Comisiynu, Gwybodaeth Fusnes a Gwerth mewn perthynas â chefnogi datblygiad cynlluniau busnes blynyddol a strategaethau tair blynedd.

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio.

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

• Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd
• Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro
• Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall
• 47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 99 o fferyllfeydd cymunedol; 43 o bractisau offthalmig cyffredinol; ac 8 o ddarparwyr offthalmig cartref
• Lleoliadau niferus yn darparu gwasanaethau iechyd meddwl ac anableddau dysgu