HealthJobsUK

Trosolwg o'r swydd

Mae gennym gyfle cyffrous ar gyfer rôl newydd, sef Bydwraig Arweiniol Risg a Llywodraethu ar draws Bwrdd Iechyd Prifysgol Hywel Dda.

A oes gennych y sgiliau a'r profiad i ddarparu lefel uchel o wybodaeth a sgiliau arbenigol i  arwain yn y rôl hon? Os ydych yn teimlo yr hoffech fod yn rhan o'r broses o symud ein  gwasanaeth yn ei flaen, yna gallai hwn fod y cyfle i chi, a byddem yn eiddgar iawn i  glywed gennych.

Bydd gan yr ymgeisydd iawn frwdfrydedd dros gymryd cyfrifoldeb am oruchwylio'r tîm  risg a llywodraethu Mamolaeth o ddydd i ddydd, gan sicrhau bod gweithgarwch rheoli risg glinigol yn cael ei gyflawni mewn modd blaengar a llawn cymhelliant.

Cynhelir y cyfweliadau ar 13/6/24

Prif ddyletswyddau'r swydd

Bydd y rôl hon yn ei gwneud yn ofynnol i ddeiliad y swydd weithio ar lefel weithredol a strategol yn y Gyfarwyddiaeth Iechyd Menywod a Phlant i gyflawni agenda llywodraethu a rheoli risg y gwasanaeth mamolaeth. Bydd y gweithgareddau'n cynnwys ysgrifennu  adroddiadau, ymchwiliadau a monitro cynlluniau gweithredu ynghyd â darparu tystiolaeth.

Bydd gan ddeiliad y swydd sgiliau cyfathrebu rhagorol, bydd yn rhoi sylw eithafol i fanylion, a bydd ganddo'r cymhelliant i sicrhau bod ein hagendâu Risg a Llywodraethu yn cael eu cyflawni'n unol â therfynau amser tyn

Bydd deiliad y swydd yn gyfrifol am ddatblygu'r strategaeth rheoli diogelwch clinigol. Ar y cyd â'r uwch-dîm, bydd yn gyfrifol am fonitro ac adolygu perfformiad y gwasanaeth, gan sicrhau bod targedau y cytunwyd arnynt yn cael eu cyrraedd. Adrodd ar berfformiad a rhoi camau adferol ar waith yn ôl yr angen.

Cydweithio a darparu arbenigedd i greu strategaethau i gefnogi rheolaeth gref ac effeithiol o ddiogelwch clinigol ar lefel cyfarwyddiaeth ac ar lefel gorfforaethol. Ymgysylltu â rhanddeiliaid partner a chynrychioli’r Bwrdd Iechyd yn rhanbarthol ac, yn ôl yr angen, yn genedlaethol, i sicrhau bod mentrau diogelwch a gwelliannau’n cael eu gweithredu’n strategol yn unol â chyhoeddiadau lleol a chenedlaethol, a hynny er mwyn sicrhau’r gwasanaethau a’r canlyniadau gorau posibl i ddefnyddwyr ein gwasanaethau

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 12,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;

Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;

48 o bractisau cyffredinol (chwech ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;

Lleoliadau niferus yn darparu gwasanaethau iechyd meddwl ac anableddau dysgu;

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.