Trosolwg o'r swydd

Mae Bwrdd Iechyd Prifysgol Hywel Dda yn cyflwyno cyfle cyffrous i ffisiotherapyddion profiadol a llawn cymhelliant weithio yn Ysbyty Glangwili. Swydd ar batrwm cylch fydd hon yn gweithio yn ein 
gwasanaeth Trawma Acíwt ac Orthopedig ac ar draws y wardiau Gofal Critigol a Llawfeddygol. Yn dibynnu ar ddatblygu gwasanaethau, efallai y bydd yna botensial i ehangu i gylchdroadau eraill. 

Trawma ac Orthopedeg: Gan mai'r ysbyty yw'r Uned Trawma Mawr ar gyfer Bwrdd Iechyd Prifysgol Hywel Dda, bydd y swydd yn cynnwys rheoli trawma cleifion ar draws ystod lawn o gyflyrau, gan gynnwys toriad esgyrn brau, trawma i'r breichiau a'r coesau, ac anfon cleifion i 
ganolfan sy’n lleol iddynt ar ôl cwblhau triniaeth am drawma mawr. Byddwch hefyd yn cael y cyfle i fod yn rhan o wasanaeth allgymorth Trawma ac Orthopedeg yn y gymuned

Gofal Critigol a Llawfeddygaeth: Mae’r tîm Ffisiotherapi Gofal Critigol a Llawfeddygol yn darparu gofal adsefydlu i ystod eang o gleifion sydd wedi bod yn ddifrifol wael, sydd wedi bod yn feddygol sâl, ar ôl cael triniaeth lawfeddygol, neu gleifion sy'n rhan o lwybr y Rhwydwaith Trawma Mawr. 
Rydym yn chwarae rhan allweddol yn siwrnai'r claf o ofal critigol i'r cartref. 

Prif ddyletswyddau'r swydd

Bydd disgwyl i'r ymgeisydd llwyddiannus weithio'n hyblyg yn y lleoliad acíwt ledled wardiau llawfeddygol, wardiau trawma ac orthopedeg, a gofal critigol. Bydd disgwyl i ddeiliad y swydd fod yn ymarferydd ymreolaethol sy'n darparu sgiliau rhesymu clinigol ac asesu arbenigol ac yn rheoli llwyth achosion cymhleth yn ddyddiol. Bydd deiliad y swydd yn asesu, datblygu a gweithredu cynlluniau triniaeth personol, sydd wedi'u cyd-gynhyrchu, 
ar gyfer cleifion ag ystod amrywiol o gyflyrau. Rydym yn rhoi pwyslais cryf ar ofal sy'n canolbwyntio ar y claf er mwyn meithrin annibyniaeth a llesiant.

Bydd angen i'r ymgeisydd feddu ar allu rhagorol i reoli a blaenoriaethu llwyth achosion, a chefnogi a goruchwylio staff a myfyrwyr Ffisiotherapi. Er y bydd prif ffocws y rôl yn Ysbyty Glangwili, bydd disgwyl i chi weithio’n hyblyg ochr yn ochr â’r gwasanaethau yn Ysbyty'r Tywysog Philip, Llanelli a meddu ar y gallu i deithio yno yn ôl y gofyn.

Bydd gofyn i ddeiliad y swydd feddu ar y sgiliau i gymryd rhan yn y gwasanaeth anadlol ar alwad. Mae'r gallu i siarad Cymraeg yn ddymunol ar gyfer y swydd hon; mae croeso i siaradwyr Cymraeg a/neu Saesneg, fel ei gilydd, wneud cais

Ar gyfer y rôl dylech feddu ar brofiad ac arbenigedd helaeth o ran egwyddorion, safonau a'r broses o ddarparu gofal adsefydlu i gleifion mewnol, ynghyd â gwybodaeth amlwg am reoli llwythi achosion cymhleth. Mae'r tîm yn ymrwymedig i ddarparu gwasanaeth cynhwysfawr a chynaliadwy o ansawdd i'n cleifion.

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 12,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu i bron 400,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

4 prif ysbyty (Bronglais, Aberystwyth, Glangwili, Caerfyrddin, Tywysog Philip, Llanelli, ac Llwynhelyg, Hwlffordd).

5 ysbyty cymunedol (Ysbyty Dyffryn Aman ac Ysbyty Llanymddyfri yn Sir Gaerfyrddin, Ysbyty Tregaron yng Ngheredigion,Ysbyty Dinbych-y-pysgod a Chanolfan Adnoddau Iechyd a Gofal Cymdeithasol De Sir Benfro yn Sir Benfro.

Dwy ganolfan gofal integredig (Aberaeron ac Aberteifi, yng Ngheredigion).

Cyfleusterau cymunedol, gan gynnwys:

48 Meddygfa, 49 Deintyddfa, 98 Fferyllfa Gymunedol, 44 Practis Offthalmig Cyffredinol (gan gynnwys gwasanaethau iechyd llygaid a golwg gwan), 38 safle yn darparu gwasanaethau iechyd meddwl ac anableddau dysgu, gofal o fewn eich cartrefi eich hun

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.