Trosolwg o'r swydd

Rydym yn cynnig cyfle cyffrous i ymuno â’n gwasanaethau Adsefydlu Cleifion yr Ysgyfaint a Therapi Canser esblygol yn BIP Hywel Dda. Mae’r swydd ffisiotherapi lawn-amser hon yn rhychwantu Sir Benfro, Ceredigion, a Sir Gâr, gan weithio yn Ysbyty Glangwili gyda’r posibilrwydd o gynnig darpariaeth rithwir ac ar draws safleoedd.

Mae ein gwasanaeth Adsefydlu Cleifion yr Ysgyfaint yn cynnwys:

Dosbarthiadau ymarfer corff yn y gymuned
Sesiynau addysg
Asesu cleifion 
Ymweld â chartrefi

Rydym yn gweithio gyda’r Cynllun Cenedlaethol Atgyfeirio at Ymarfer Corff ac yn meithrin partneriaeth â darparwyr gweithgareddau yn y trydydd sector, a hynny er mwyn cefnogi cleifion y tu hwnt i’w rhaglen adsefydlu.

Mae’r swydd hon hefyd yn cefnogi ein tîm Therapi Canser sefydledig, a arweinir yn ddigidol. Byddwch yn helpu i ehangu ein rhaglen “Rhagsefydlu hyd at Adsefydlu”, yn cefnogi cleifion:

Cyn eu triniaeth canser (rhagsefydlu)
Yn ystod y driniaeth
Ar ôl y driniaeth (adsefydlu)
Mae’r rhaglen yn gwella canlyniadau clinigol, gweithredol, a llesiant, gan wella profiad y claf.

Rydym yn chwilio am ffisiotherapydd dynamig, profiadol ac ysbrydoledig i ymuno â’n tîm amlddisgyblaethol a helpu i ddarparu gwasanaethau therapi canser rhithwir, arloesol.

Prif ddyletswyddau'r swydd

Byddwch yn rhan o dîm therapi rhagweithiol, cyfeillgar sy’n cydweithio ar draws y timau amlddisgyblaethol yn y gymuned. Mae’r gwasanaeth blaengar hwn yn cefnogi arloesi a thwf proffesiynol. Byddwch yn darparu gofal o safon, sy’n canolbwyntio ar yr unigolyn ac yn seiliedig ar dystiolaeth, ar draws y ddau wasanaeth, gan gyfrannu at ddatblygu’r gwasanaeth adsefydlu ledled BIP Hywel Dda.

Bydd deiliad y swydd yn rhan o dîm presennol o ffisiotherapyddion sy'n gyfrifol am ddarparu gwasanaethau adsefydlu cleifion ym Mwrdd Iechyd Prifysgol Hywel Dda o fewn eu maes clinigol arbenigol diffiniedig. Bydd hyn yn golygu gweithio ar y cyd â thimau rhyngddisgyblaethol ac 
amlddisgyblaethol i ddarparu gofal holistaidd.

Bydd deiliad y swydd yn gyfrifol am reoli ei lwyth achosion ei hun a fydd yn cynnwys hunanatgyfeiriadau yn ogystal â rhai gan feddygon teulu, gweithwyr proffesiynol perthynol i iechyd, ymarferwyr gwasanaethau cymdeithasol a meddygon ymgynghorol. Bydd yn weithiwr proffesiynol annibynnol sy'n meddu ar lefel uchel o sgiliau ac arbenigedd clinigol a thechnegol, ac sy'n defnyddio sylfaen dystiolaeth i gynllunio, gweithredu a gwerthuso'r broses o reoli cleientiaid.

Bydd deiliad y swydd yn cymryd rhan yn y broses datblygiad proffesiynol parhaus, gan gynnwys addysgu/goruchwylio staff iau a myfyrwyr.

Bydd deiliad y swydd yn chwarae rhan allweddol wrth gefnogi'r broses o foderneiddio a datblygu'r gwasanaeth. Bydd hyn yn cynnwys cymryd rhan ym mhrosesau archwilio a gwerthuso y gwasanaeth.

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio.

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

•    Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd
•    Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro
•    Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall
•    47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 99 o fferyllfeydd cymunedol; 43 o bractisau offthalmig cyffredinol; ac 8 o ddarparwyr offthalmig cartref
•    Lleoliadau niferus yn darparu gwasanaethau iechyd meddwl ac anableddau dysgu