Trosolwg o'r swydd

Rydym yn chwilio am unigolyn brwdfrydig iawn i ymuno â'r Tîm Recriwtio Meddygol yn Nhŷ Glien, Sir Gaerfyrddin.

Mae'r swydd yn cynnwys gweithio i ddarparu cymorth i reolwyr a'r unigolion a benodir ar hyd y broses recriwtio a dethol, gan ddefnyddio ystod o systemau gwybodaeth electronig y gweithlu.

Swydd o ddydd Llun i ddydd Gwener yw hon, yn gweithio 08:30-16:30

Prif ddyletswyddau'r swydd

Cefnogi rheolwyr trwy gydol y broses recriwtio gan ddefnyddio system recriwtio Trac ar gyfer swyddi gwag yn y Bwrdd Iechyd, a sicrhau gwasanaeth proffesiynol a chyfrinachol bob amser.

Darparu gwasanaeth recriwtio o ansawdd uchel i'r Bwrdd Iechyd, gan gysylltu â Rheolwyr Penodi, cyrff allanol ac ymgeiswyr a benodir er mwyn sicrhau eu bod yn cael gwybodaeth lawn am gynnydd prosesau recriwtio.

Gweithio'n hyblyg yn y tîm, gan greu, datblygu a chynnal perthnasoedd gwaith effeithiol â staff eraill, cleientiaid a chysylltiadau allanol.

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio. 

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

• Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd 
• Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro ·
• Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall 
• 47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 99 o fferyllfeydd cymunedol; 43 o bractisau offthalmig cyffredinol; ac 8 o ddarparwyr offthalmig cartref 
• Lleoliadau niferus yn darparu gwasanaethau iechyd meddwl ac anableddau dysgu