HealthJobsUK

Trosolwg o'r swydd

Mae rôl Gweithiwr y Tu Allan i Oriau yn amlochrog a bydd yn cynnwys Ateb Galwadau, Gyrru, y Dderbynfa a Gofal Iechyd.

Mae’r Gwasanaeth y Tu Allan i Oriau yn gweithredu Llinell Broffesiynol lle mae galwadau’n cael eu cymryd gan weithwyr proffesiynol sydd yng nghwmni cleifion, h.y. cartrefi nyrsio, parafeddygon ar leoliad, ysbytai, ac ati.

Yn ogystal â hyn, mae llinell brysbennu triniaeth canser a llinell gofal lliniarol yn cael eu hateb gan y Gwasanaeth Tu Allan i Oriau.

Byddwch wedi eich lleoli yn Ysbyty Cyffredinol Llwynhelyg yn y Ganolfan Gofal Brys gyda thîm amlddisgyblaethol, yn cynnwys Goruchwyliwr y Shifft y Tu Allan i Oriau. 

Prif ddyletswyddau'r swydd

Mae'r gwasanaeth y Tu Allan i Oriau yn Ysbyty Cyffredinol Llwynhelyg yn rhedeg Llinell Ateb Galwadau Broffesiynol.  Mae galwadau i Fwrdd Iechyd Prifysgol Hywel Dda yn dod i'r llinell hon gan ysbytai, nyrsys, cartrefi nyrsio, parafeddygon a disgyblaethau diffiniedig eraill y mae arnynt angen cymorth clinigol brys.    Defnyddir pecyn cymorth UKONS i ateb galwadau gan gleifion oncoleg sy'n cael triniaeth ar hyn o bryd ac i frysbennu'r cleifion hyn mewn modd cywir.

Bydd y rôl yn cynnwys ateb a chofnodi galwadau gan weithwyr gofal iechyd proffesiynol yn y gymuned, sicrhau bod manylion demograffig yn cael eu cofnodi'n gywir, a mynegi'r pryder y rhoddwyd gwybod amdano.

Bydd yn ofynnol i'r ymgeiswyr llwyddiannus gael hyfforddiant sgiliau i ofalu i gynorthwyo â dyletswyddau Gofal Iechyd wrth gyflawni rôl gyrrwr/derbynnydd. Bydd hyfforddiant yn cael ei ddarparu i'r rhai nad ydynt eisoes yn meddu ar gymhwyster gofal iechyd.

Shifftiau amrywiol, a mae’r shifftiau sydd ar gael yn cynnwys 6.30pm-11.30pm o ddydd Llun i ddydd Gwener, 8.00am-1pm ar ddydd Sadwrn, a 5pm-10pm ar ddydd Sadwrn a dydd Sul.   Mae angen hyblygrwydd i gyflenwi ar gyfer pob shifft yn ôl yr angen, gan gynnwys shifftiau nos.  Bydd y shifftiau'n cael eu dyrannu yn ôl trefn rota.

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 12,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;

Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;

48 o bractisau cyffredinol (chwech ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;

Lleoliadau niferus yn darparu gwasanaethau iechyd meddwl ac anableddau dysgu;

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.