Trosolwg o'r swydd

Mae’r Gwasanaeth Dermatoleg yng Ngorllewin Cymru yn darparu gofal arbenigol ar draws poblogaeth fawr, sydd wedi’i gwasgaru’n ddaearyddol ac sy’n wledig yn bennaf. Mae’r gwasanaeth yn rheoli ystod eang o gyflyrau dermatolegol, gan gynnwys achosion o ganser y croen a amheuir ac a gadarnhawyd, clefydau llidiol cronig y croen, ac achosion dermatolegol cymhleth y mae gofyn i glinigwyr profiadol a medrus iawn eu hasesu a’u trin. Mae’r galw am wasanaethau dermatoleg yn parhau i gynyddu, wedi’i sbarduno gan gyffredinrwydd cynyddol canser y croen, poblogaeth sy’n heneiddio, a chymhlethdod cynyddol y cleifion y mae angen gofal arbenigol arnynt. 

Mae’r swydd hon yn hanfodol i gefnogi’r gwaith o ddarparu gwasanaethau dermatoleg diogel, effeithiol ac amserol yn barhaus ar draws y rhanbarth. Bydd yr ymgeisydd llwyddiannus yn ymuno â thîm ymroddedig, profiadol ac amlddisgyblaethol sydd wedi ymrwymo i ddarparu gofal o safon, sy’n canolbwyntio ar y claf i boblogaeth Gorllewin Cymru. Bydd y rôl yn cyfrannu’n sylweddol at gynnal capasiti’r gwasanaeth, lleihau amseroedd aros, gwella mynediad cleifion at asesiad arbenigol, a chefnogi’r gwaith o gyflawni targedau perfformiad cenedlaethol a lleol. 

Bydd penodi i’r swydd hon yn cryfhau cynaliadwyedd a gwydnwch y Gwasanaeth Dermatoleg, gan sicrhau bod gofal o safon yn cael ei ddarparu’n barhaus i gleifion ledled Gorllewin Cymru, a chan hefyd gefnogi arloesi a’r broses o drawsnewid gwasanaethau yn y dyfodol o fewn yr arbenigedd.

Prif ddyletswyddau'r swydd

Bydd deiliad y swydd yn ymgymryd â rôl glinigol amrywiol a gwerth chweil ar draws holl sbectrwm y gwasanaethau dermatoleg, gyda chyfrifoldeb penodol am ddiagnosio a thrin cleifion â chlefydau llidiol y croen a chanser y croen a’u rheoli’n barhaus. Gan weithio’n rhan o dîm amlddisgyblaethol medrus iawn, bydd deiliad y swydd yn darparu rheolaeth ac asesiad clinigol arbenigol ar gyfer ystod eang o gyflyrau dermatolegol, gan sicrhau bod cleifion yn cael gofal o safon, seiliedig ar dystiolaeth, a hynny mewn modd prydlon a thosturiol. 

Bydd y rôl yn cynnwys cyflwyno clinigau dermatoleg cleifion allanol i gleifion sy’n ymgyflwyno â chyflyrau dermatolegol arferol a chymhleth. Bydd hyn yn cynnwys asesu, diagnosio, cynllunio triniaeth, a rheoli anhwylderau llidiol cronig yn yr hirdymor. Bydd disgwyl i ddeiliad y swydd gydweithio â chyd-weithwyr gofal sylfaenol ac arbenigeddau eraill i sicrhau llwybrau gofal cydgysylltiedig sy’n canolbwyntio ar y claf. 

Bydd elfen sylweddol o’r rôl yn canolbwyntio ar wasanaethau canser y croen, gan gynnwys asesu a rheoli cleifion sy’n cael eu hatgyfeirio trwy lwybrau brys lle’r amheuir canser. Bydd cyfrifoldebau yn cynnwys diagnosio briwiau croen malaen a chyn-falaen, llunio cynlluniau triniaeth, cwnsela cleifion, a chymryd rhan mewn clinigau gwyliadwriaeth a dilynol. Bydd deiliad y swydd yn cyfrannu at gyflawni targedau canser cenedlaethol trwy gefnogi’r gwaith o sicrhau bod asesiad, diagnosis a thriniaeth arbenigol yn digwydd mewn pryd. 

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio.

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

• Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlfford
• Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro
• Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall
• 47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 99 o fferyllfeydd cymunedol; 43 o bractisau offthalmig cyffredinol; ac 8 o ddarparwyr offthalmig cartre
• Lleoliadau niferus yn darparu gwasanaethau iechyd meddwl ac anableddau dysgu