Trosolwg o'r swydd

Mae swydd hon yn Cyfnod Penodol/Secondiad am 2 flynedd tan 31/08/2027 oherwydd cyllid. 

Os ydych yn gyflogai i Fwrdd Iechyd Prifysgol Hywel Dda ac yn gwneud cais am secondiad i'r swydd hon, bydd angen i'ch rheolwr presennol gytuno i'r secondiad cyn i chi gyflwyno eich cais.

A ydych yn weithiwr ymchwil proffesiynol brwdfrydig sy'n barod i arwain arloesedd ymmaes gofal cleifion? Ymunwch â Bwrdd Iechyd Prifysgol Hywel Dda fel Arweinydd y Tîm Ymchwil Anadlol a chwaraewch rôl ganolog wrth gyflawni ymchwil glinigol fasnachol a phortffolio arloesol ar draws ein rhanbarth.

Yn y rôl ddynamig hon, byddwch yn arwain tîm talentog, yn rheoli portffolio amrywiol o dreialon clinigol, ac yn gweithio'n agos gyda thimau amlddisgyblaethol i ddod â'r cyfleoedd ymchwil diweddaraf i'n cleifion. Byddwch yn cyfuno sgiliau clinigol arbenigol ag arweinyddiaeth gref, ac yn arwain astudiaethau o'r cam sefydlu i'r cam cyflawni, gan sicrhau'r safonau uchaf o ran llywodraethu ymchwil a gofal cleifion.

Byddwch yn ffynnu yma os ydych wrth eich bodd ag amrywiaeth; un diwrnod yn cynghori clinigwyr ar brotocolau treialon, y diwrnod nesaf yn cefnogi cleifion trwy benderfyniadau cymhleth ynghylch eu triniaeth, a bob amser yn chwilio am ffyrdd o dyfu ein portffolio ymchwil. Bydd eich gwaith yn llywio dyfodol gofal iechyd yn uniongyrchol, a byddwch yn 
rhan o dîm sy'n teimlo'n angerddol ynghylch gwneud gwahaniaeth gwirioneddol.

Prif ddyletswyddau'r swydd

Yr Hyn y Byddwch yn ei Wneud a'r Hyn yr Ydym yn Chwilio Amdano:

Arwain ac ysbrydoli tîm — Arwain tîm arbenigol o nyrsys anadlol, nyrsys/swyddogion ymchwil a chynorthwywyr ymchwil, gan gefnogi eu datblygiad a chadw pawb yn llawn cymhelliant ac ar y trywydd iawn.

Cynnal treialon clinigol cymhleth — Goruchwylio'r gwaith o sefydlu astudiaethau, recriwtio cleifion, cydsynio, casglu data, a chamau dilynol, gan sicrhau bod treialon yn bodloni rheoliadau a safonau ansawdd uchel.

Cefnogi cleifion a theuluoedd — Esbonio astudiaethau ymchwil yn glir, eu helpu i wneud dewisiadau gwybodus, a darparu gofal tosturiol trwy gydol eu taith.

Gweithio ar y cyd — Cysylltu'n hyderus â chlinigwyr, noddwyr, cyrff rheoleiddio a gwasanaethau cymorth i sicrhau bod gwaith ymchwil yn mynd rhagddo'n hwylus.

Datrys problemau a blaenoriaethu — Cydbwyso sawl astudiaeth, ymdrin â heriau'n bwyllog, a meddwl ar eich traed i sicrhau bod prosiectau'n symud yn eu blaen.

Cynnal safonau uchel — Cynnal Arfer Clinigol Da a threfniadau llywodraethu ymchwil, gan roi sylw agos i fanylion a chadw cofnodion manwl.

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 11,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;

Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;

48 o bractisau cyffredinol (pedwar ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;

Lleoliadau niferus yn darparu gwasanaethau iechyd meddwl ac anableddau dysgu;

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.