Trosolwg o'r swydd

Rydym yn chwilio am Ymgynghorydd Haematoleg llawn amser i fod yn rhan o dîm amlddisgyblaethol brwdfrydig, wedi'i leoli yn Ysbyty Glan Clwyd. Rydym yn chwilio am unigolyn deinamig sydd wedi ymrwymo i ragoriaeth wrth ddarparu gwasanaethau i ymuno â'n tîm. Dylai pob ymgeisydd fod yn gymwys i reoli cleifion ag anhwylderau haematolegol.
Mae'r gwasanaeth haematoleg yn datblygu'n gyson a bydd y swydd hon, ynghyd â swyddi eraill sydd yn bodoli eisoes a swyddi newydd, yn cefnogi datblygiad Gwasanaeth Haematoleg Gogledd Cymru.
Rydym yn annog ac yn croesawu ceisiadau gan gydweithwyr sydd â diddordebau arbenigol.
Yn ogystal â dyletswyddau clinigol, bydd cyfle i gyfrannu at addysg ac ymchwil ynghyd â dyletswyddau arweinyddiaeth.

Prif ddyletswyddau'r swydd

Ymhlith y tasgau allweddol mae'r canlynol:
•    Darparu gwasanaethau Hematolegydd arbenigol i'r boblogaeth gan gyfeirio'n arbennig at y canserau cyffredin a'r is-arbenigeddau priodol y cytunwyd arnynt a chymryd rhan yn weithgar ym mhob un o'r timau amlddisgyblaethol hyn.
•    Meithrin diddordeb arbenigwr safle ac ymchwil ar safleoedd y ddau ysbyty. Bydd hyn yn cynnwys datblygu ymchwil glinigol a chofrestru cleifion mewn astudiaethau cenedlaethol a rhyngwladol priodol.
•    Darparu rownd ward wythnosol ar gyfer cyflenwi cleifion mewnol.
•    Gweithio'n agos gyda chyd-feddygon ymgynghorol clinigol a darparu gofal hematolegydd di-dor i'r holl gleifion.
•    Gweithio'n agos gyda chydweithwyr mewn Is-adrannau eraill er mwyn helpu i ddarparu gwasanaeth effeithlon i gleifion sy'n trosglwyddo rhwng y disgyblaethau gwahanol ac yn ystod taith y claf.
•    Cysylltu â chydweithwyr ym maes Hematoleg, Oncoleg a Gofal Lliniarol i gyflenwi dyletswyddau cleifion mewnol i gleifion hematoleg.
•    Datblygu a chymryd rhan mewn mentrau cydweithredol, gan roi cryn ystyriaeth i effeithiolrwydd clinigol ac ymarfer meddygaeth sy'n seiliedig ar dystiolaeth.
•    Cymryd rhan mewn gwaith archwilio ac addysgu.
•    Bod yn gyfrifol am sicrhau cyfranogiad gweithgar mewn addysg feddygol barhaus.

Gweithio i'n sefydliad

Bwrdd Iechyd Prifysgol Betsi Cadwaladr (BIPBC) yw’r sefydliad iechyd mwyaf yng Nghymru, ac mae ganddo gyllideb gwerth mwy nag £2.4 biliwn ac mae'n cyflogi mwy na 20,000 aelod o staff yn ei weithlu. Mae'r Bwrdd Iechyd darparu gwasanaethau sylfaenol, cymunedol, iechyd meddwl ac ysbytai aciwt ar gyfer poblogaeth Gogledd Cymru.

Mae BIPBC yn darparu ystod lawn o wasanaethau sylfaenol, cymunedol, iechyd meddwl a gwasanaethau ysbytai acíwt ac arbenigol mewn 3 ysbyty acíwt, 22 ysbyty cymunedol a rhwydwaith o ganolfannau iechyd, clinigau, canolfannau timau iechyd yn y gymuned ac unedau iechyd meddwl. Mae hefyd yn cydlynu neu’n darparu gwaith practisau meddygon teulu a gwasanaethau’r GIG a ddarperir gan ddeintyddion, optegwyr a fferyllwyr ar draws y rhanbarth.

Mae'r Bwrdd Iechyd yn system iechyd integredig sy'n ymdrechu i ddarparu gofal tosturiol rhagorol gan gydweithio â'r sector cyhoeddus a sefydliadau statudol eraill, a sefydliadau yn y trydydd sector.