Trosolwg o'r swydd

Ni fu erioed amser gwell i ymuno â'n tîm sy'n tyfu yn ein His-adran Iechyd Meddwl ac Anableddau Dysgu.

Gyda thîm arweinyddol newydd ar waith rydym yn buddsoddi yn ein gwasanaethau i drawsnewid y ffordd y cânt eu darparu. Rydym yn datblygu’r ystod o gefnogaeth, gofal a thriniaeth a gynigiwn i bobl ledled Gogledd Cymru a'u hehangu'n barhaus. Mae hyn yn cynnwys sefydlu swyddi cyffrous newydd yn ein timau cleifion mewnol a chymuned yn ogystal â llwybr clir i staff barhau i ddysgu a symud yn eu blaen trwy gydol eu gyrfa.

Fel rhan o'n strategaeth twf, mae Bwrdd Iechyd Prifysgol Betsi Cadwaladr yn dymuno penodi Meddyg Arbenigol llawn amser (10 sesiwn) Meddyg Ymgynghorol mewn Seiciatreg Fforensig yn Uned Diogelwch Canolig Tŷ Llywelyn, Bangor.

Mae gofyn i chi fod ar y Gofrestr Arbenigol, yn meddu ar CCST neu gyfwerth cydnabyddedig neu eich bod o fewn 6 mis o'i gael ar adeg y cyfweliad.

Prif ddyletswyddau'r swydd

Mae hon yn swydd yn lle un arall ac yn rhan o ddatblygiad parhaus y gwasanaethau fforensig, sy'n caniatáu i ni gynnig gwasanaethau fforensig arbenigol cynaliadwy i boblogaeth Gogledd Cymru.  Bydd gan ddeilydd y swydd gyfleusterau cleifion mewnol yn uned diogelwch canolig Tŷ Llewelyn

Bydd deilydd y swydd yn gyfrifol am ofal seiciatreg cyffredinol y boblogaeth cleifion mewnol o fewn y gwasanaethau diogelwch canolig.

Ynghyd â chydweithwyr yn y tîm amlddisgyblaethol, byddwch yn cynnig arweinyddiaeth feddygol, ac asesiad a rheolaeth i gleifion mewnol ar gyfer cyfrifoldebau ehangach y gwasanaeth fforensig yn lleol sy'n cynnwys carchardai a'r tîm iechyd meddwl fforensig cymuned.

Gweithio i'n sefydliad

Bwrdd Iechyd Prifysgol Betsi Cadwaladr (BIPBC) yw’r sefydliad iechyd mwyaf yng Nghymru a chanddo gyllideb o £1.7 biliwn a gweithlu o dros 19,000 o staff. Mae’r Bwrdd Iechyd yn darparu gwasanaethau sylfaenol, eilaidd, cymunedol, iechyd meddwl ac ysbytai acíwt i boblogaeth gogledd Cymru.

Mae BIPBC yn darparu ystod lawn o wasanaethau sylfaenol, cymunedol, iechyd meddwl ac ysbytai acíwt ac arbenigol ar draws 3 ysbyty acíwt, 22 ysbyty cymunedol a rhwydwaith o dros 90 o ganolfannau iechyd, clinigau, canolfannau timau iechyd cymunedol ac unedau iechyd meddwl. Mae BPIBC hefyd yn cydlynu, neu’n darparu gwaith 113 o bractisau meddygon teulu a’r gwasanaeth GIG a ddarperir gan ddeintyddion, optegwyr a fferyllwyr ar hyd a lled y rhanbarth.

Mae’r Bwrdd Iechyd yn system iechyd integredig sy’n ymdrechu i ddarparu gofal tosturiol mewn partneriaeth â’r cyhoedd a sefydliadau statudol a thrydydd sector eraill. Mae BIPBC wedi datblygu perthynas â’r prifysgolion yng ngogledd Cymru ac mae, ynghyd â Phrifysgol Bangor, yn ceisio statws ysgol feddygol ac yn gweithredu mewn diwylliant dysgu sy’n gyfoeth o ymchwil