Trosolwg o'r swydd

Mae hwn yn gyfleoedd rhan-amser fel Ymgynghorydd Lleol Histopatholegydd i fynd i'r afael â gofynion y gwasanaeth.

Byddai disgwyl i'r ymgeiswyr llwyddiannus ddatblygu diddordeb arbennig mewn maes patholeg, gan gynnwys cyfrifoldeb Patholegydd Arweiniol, a bydd disgwyl i hyn ategu at rai'r patholegwyr ymgynghorol presennol. Mae diddordeb arbennig mewn patholeg y fron yn orfodol. Croesewir diddordebau mewn patholeg nad yw'n ymwneud â chanser hefyd. Ar hyn o bryd, mae'r holl feddygon ymgynghorol yn cynnal diddordeb eang mewn adrodd ar histopatholeg gyffredinol.

Prif ddyletswyddau'r swydd

Dyletswyddau a Chyfrifoldebau
Mae’r un swydd locwm hon yn cael ei chreu drwy sesiynau wedi ei colli frwy ymddeoliad a Ymgynghorwyr eraill yn lleihau ei sesiynau clinigol. Mae'r tair Adran Patholeg Gellol flaenorol ar draws Gogledd Cymru wedi'u hailstrwythuro'n gyfan gwbl er mwyn ystyried anghenion y Bwrdd Iechyd ac mae wedi'i seilio ar adolygu'r gwasanaeth a gwblhawyd gan y Gwasanaeth Patholeg yn 2011. Mae'r swydd yn seiliedig ar Gontract Meddygon Ymgynghorol Cymru 9 sesiwn.
•    Bydd disgwyl i'r ymgeisydd llwyddiannus gymryd rhan mewn archwilio, cynlluniau sicrwydd ansawdd allanol, addysgu a phynciau cysylltiedig eraill. Disgwylir i adrodd ar yr holl sbesimenau canser gydymffurfio â safonau Canser Cymru.
•    Mae'r ymrwymiad histopatholeg yn cynnwys darparu gwasanaeth histopatholegol cynhwysfawr ar gyfer BIPBC. Mae'r ymrwymiad sytopatholeg, o'i ddilyn, yn cynnwys darparu gwasanaeth nad yw'n ymwneud â gynaecoleg ar gyfer BIPBC.  
•    Bydd disgwyl i'r sawl a benodir gymryd rhan mewn Cyfarfodydd Clinigol-Batholegol a chyfrannu atynt ac addysgu gan gynnwys timau amlddisgyblaethol canser.
•    Bydd gofyn i ddeilydd y swydd gyflawni dyletswyddau gweinyddol ac ysgrifennyddol yn ôl yr angen ac mae angen sicrhau gweithrediad esmwyth yr Adran yn yr holl ysbytai. Mae trefniadau rheoli'r Adran yn cydymffurfio â Chylchlythyr Iechyd Cymru (IS)27. Bydd disgwyl i'r sawl a benodir gymryd rhan mewn archwiliadau yn yr adran ac yn allanol, a hefyd i gymryd rhan mewn cynlluniau EQA perthnasol.

Gweithio i'n sefydliad

Bwrdd Iechyd Prifysgol Betsi Cadwaladr (BIPBC) yw’r sefydliad iechyd mwyaf yng Nghymru, ac mae ganddo gyllideb gwerth mwy nag £2.4 biliwn ac mae'n cyflogi mwy na 20,000 aelod o staff yn ei weithlu. Mae'r Bwrdd Iechyd darparu gwasanaethau sylfaenol, cymunedol, iechyd meddwl ac ysbytai aciwt ar gyfer poblogaeth Gogledd Cymru. 

Mae BIPBC yn darparu ystod lawn o wasanaethau sylfaenol, cymunedol, iechyd meddwl a gwasanaethau ysbytai acíwt ac arbenigol mewn 3 ysbyty acíwt, 22 ysbyty cymunedol a rhwydwaith o ganolfannau iechyd, clinigau, canolfannau timau iechyd yn y gymuned ac unedau iechyd meddwl. Mae hefyd yn cydlynu neu’n darparu gwaith practisau meddygon teulu a gwasanaethau’r GIG a ddarperir gan ddeintyddion, optegwyr a fferyllwyr ar draws y rhanbarth. 

Mae'r Bwrdd Iechyd yn system iechyd integredig sy'n ymdrechu i ddarparu gofal tosturiol rhagorol gan gydweithio â'r sector cyhoeddus a sefydliadau statudol eraill, a sefydliadau yn y trydydd sector.