Trosolwg o'r swydd

Gwahoddir ceisiadau ar gyfer swydd Locwm Radiolegydd Ymgynghorol gyda diddordeb is-arbenigedd mewn delweddu Cardiothorasig.

Mae Canolfan Gardiaidd Gogledd Cymru wedi’i lleoli yn Ysbyty Glan Clwyd. Mae dau labordy Cath yn YGC. Mae’r rôl yn cynnwys adrodd ar CT ac MRI Cardiaidd, gan weithio ochr yn ochr â chydweithwyr ym meysydd radioleg a chardioleg i ddarparu gwasanaeth BIPBC gyfan. Mae pump radiolegydd yn ymwneud â darparu gwasanaeth cardioleg o fewn BIPBC.

O fewn y gwasanaeth delweddu thorasig, mae gwasanaethau oncoleg arbenigol yn ogystal â gwasanaethau anadlol arbenigol yn cynnwys rhai sy’n canolbwyntio ar glefydau interstitaidd yr ysgyfaint (ILD). Bydd gwasanaethau sgrinio’r ysgyfaint cenedlaethol yn cael eu cyflwyno’n fuan a bydd deilydd y swydd yn rhan o ddarparu’r gwasanaeth hwn hefyd. Mae saith radiolegydd yn rhan o ddarparu’r gwasanaeth radioleg thorasig ar draws BIPBC.

Darperir y gwasanaethau CT ac MRI cardiaidd ar y tri safle ledled Gogledd Cymru. Mae ymrwymiadau MDT yn ymwneud â’r is-arbenigedd yn wythnosol ar gyfer delweddu cardiaidd a thorasig gan gynnwys ILD.

Prif ddyletswyddau'r swydd

Bydd gan ddeilydd y swydd ddiddordeb arbenigol ym maes Delweddu Cardiothorasig a bydd yn cyfrannu at ddarpariaeth gwasanaeth a datblygiad meysydd yr is-arbenigedd

Bydd gan ddeilydd y swydd gyfrifoldeb am addysgu, sicrhau ansawdd, a rheoli gwasanaethau o fewn ei feysydd arbenigol a bydd yn cyfrannu at lwyth gwaith ehangach yr adran yn amodol ar drafodaethau cynllun swydd, gan gynnwys Radioleg Gyffredinol, rotas ar-alwad ac addysgu hyfforddeion Radioleg, Myfyrwyr Israddedig, a staff ysbyty eraill. 

Mae gennym gysylltiadau cryf â Phrifysgol Bangor a byddai gan yr ymgeiswyr y cyfle i ddatblygu cysylltiadau ymchwil a/neu gysylltiadau addysgu gyda'r Brifysgol.  Mae cyfleoedd ar gyfer ymchwil wedi cael eu gwella gyda statws Bwrdd Iechyd Prifysgol yn cysylltu â phrifysgolion Bangor a Wrecsam. Mae'r gyfarwyddiaeth hefyd yn cyflogi dau Radiograffydd Ymchwil i gefnogi'r gwaith hwn.

Mae Meddygon Ymgynghorol yn cyfrannu i reoli risg clinigol drwy fonitro digwyddiadau clinigol a chymryd rhan mewn cyfarfodydd ynglŷn ag anghysondebau adrannol.  Mae cydymffurfio â pholisïau cwynion a chyfreitha'r adran yn cyfrannu at reoli risg yn dda. Mae disgwyl i ddeilydd y swydd gadw cofnodion yn dda ac mae disgwyl i feddygon ymgynghorol gymryd rhan mewn Archwiliad.  Caiff ymchwil ei annog yn enwedig pan fo hynny'n addas i ddatblygiad proffesiynol yr ymgeisydd llwyddiannus ac i ddatblygiad gwasanaeth y gyfarwyddiaeth. 

Gweithio i'n sefydliad

        Bwrdd Iechyd Prifysgol Betsi Cadwaladr (BIPBC) yw’r sefydliad iechyd mwyaf yng Nghymru, ac mae ganddo gyllideb gwerth mwy nag £2.4 biliwn ac mae'n cyflogi mwy na 20,000 aelod o staff yn ei weithlu

Mae BIPBC yn darparu ystod lawn o wasanaethau sylfaenol, cymunedol, iechyd meddwl a gwasanaethau ysbytai acíwt ac arbenigol mewn 3 ysbyty acíwt, 22 ysbyty cymunedol a rhwydwaith o ganolfannau iechyd, clinigau, canolfannau timau iechyd yn y gymuned ac unedau iechyd meddwl. Mae hefyd yn cydlynu neu’n darparu gwaith practisau meddygon teulu a gwasanaethau’r GIG a ddarperir gan ddeintyddion, optegwyr a fferyllwyr ar draws y rhanbarth.

Mae'r Bwrdd Iechyd yn system iechyd integredig sy'n ymdrechu i ddarparu gofal tosturiol rhagorol gan gydweithio â'r sector cyhoeddus a sefydliadau statudol eraill, a sefydliadau yn y trydydd sector.