Trosolwg o'r swydd

Swydd lawn amser barhaol yw hon. Mae'r swydd ar gyfer deg sesiwn yr wythnos, ac o'r rhain, fel arfer, bydd saith ar gyfer gofal clinigol uniongyrchol a thair ar gyfer gweithgaredd proffesiynol ategol (GPA), fel y nodir yng nghontract Meddyg Ymgynghorol Cymru.

Fel rhan o'r swydd, bydd angen i chi ymrwymo i faes Anesthesia ar gyfer y theatr a meddu ar is-ddiddordeb arbenigol mewn rheoli'r Llwybr Anadlu, Radioleg ac Anesthesia'r Llwybr Gastroberfeddol Uwch

Bydd y sesiynau gofal clinigol uniongyrchol ar gyfer anesthesia cyffredinol, ar gyfer cyfuniad o restrau dewisol a all gynnwys o leiaf un sesiwn hyblyg sefydlog. Bydd modd cyd-negodi hyn, yn dibynnu ar ddiddordebau'r ymgeisydd llwyddiannus ac anghenion yr adran. Mae'r saith sesiwn gofal clinigol uniongyrchol yn cyfateb i bedair Sesiwn Glinigol (hanner diwrnod) a chymryd rhan yn rota ar alwad y Meddygon Ymgynghorol Cyffredinol/Obstetreg.

Fel rhan o ofynion ar alwad y swydd hon, rhaid ymuno â'r rota ar alwad Anesthetig Cyffredinol ac Obstetreg. Rota 1:11 yw hon ar hyn o bryd.  Y dyletswyddau yw darparu cymorth anesthesia brys ar gyfer pob arbenigedd llawfeddygol, gan gynnwys pediatreg ar lefel Ysbyty Cyffredinol Dosbarth. Mae rota ar wahân ar gyfer Meddygon Ymgynghorol ar alwad ym maes Gofal Critigol. Mae Meddygon Arbenigol/Meddygon Dan Hyfforddiant Preswyl yn darparu gwasanaeth ar gyfer Theatrau Brys, Obstetreg a Gofal Critigol 24 awr y dydd, drwy shifftiau dydd a nos. 

Prif ddyletswyddau'r swydd

Eich Rheolwr llinell fydd Clinigydd Arweiniol yr Adran Anestheteg.

Byddai disgwyl i chi gyfrannu at weithgareddau clinigol ac addysgol yn yr Adran a helpu i oruchwylio ac addysgu meddygon preswyl yr Adran

Cyfrannu at weithgareddau llywodraethu clinigol lleol, gan gynnwys prosiectau gwella ansawdd, archwiliadau clinigol a mentrau'n ymwneud â risgiau clinigol.

Disgwylir i chi gymryd rhan mewn Arfarniad Blynyddol a gweithio tuag at Ailddilysiad yn ôl cyfarwyddyd y Cyngor Meddygol Cyffredinol. Caiff amser Gweithgareddau Proffesiynol Ategol ei ddyrannu ar gyfer hyn ac mae'r Bwrdd Iechyd yn defnyddio system gyfrifiadurol ar gyfer y broses Arfarnu.

Bydd yn ofynnol i chi gydweithio â rheolwyr lleol i redeg gwasanaethau yn effeithlon.

Yn amodol ar Delerau ac Amodau'r Gwasanaeth, bydd disgwyl i chi ddilyn polisïau a gweithdrefnau'r Bwrdd Iechyd, a luniwyd drwy ymgynghori â'r proffesiwn lle maent yn ymwneud â materion clinigol.

Bydd disgwyl i chi fynd ar drywydd polisïau a gweithdrefnau cyflogaeth a phersonél lleol a chenedlaethol wrth reoli cyflogeion y Bwrdd Iechyd.

Mae dull cydlynol a chefnogol ar waith yn yr Adran Anestheteg.  Mae rhaglen fentora ar gael i'r rhai sy'n dymuno ei chwblhau a gaiff ei chyflwyno gan aelodau sydd wedi cael hyfforddiant yn yr Adran. 

Gweithio i'n sefydliad

Bwrdd Iechyd Prifysgol Betsi Cadwaladr (BIPBC) yw’r sefydliad iechyd mwyaf yng Nghymru, ac mae ganddo gyllideb gwerth mwy nag £2.4 biliwn ac mae'n cyflogi mwy na 20,000 aelod o staff yn ei weithlu

Mae BIPBC yn darparu ystod lawn o wasanaethau sylfaenol, cymunedol, iechyd meddwl a gwasanaethau ysbytai acíwt ac arbenigol mewn 3 ysbyty acíwt, 22 ysbyty cymunedol a rhwydwaith o ganolfannau iechyd, clinigau, canolfannau timau iechyd yn y gymuned ac unedau iechyd meddwl. Mae hefyd yn cydlynu neu’n darparu gwaith practisau meddygon teulu a gwasanaethau’r GIG a ddarperir gan ddeintyddion, optegwyr a fferyllwyr ar draws y rhanbarth.

Mae'r Bwrdd Iechyd yn system iechyd integredig sy'n ymdrechu i ddarparu gofal tosturiol rhagorol gan gydweithio â'r sector cyhoeddus a sefydliadau statudol eraill, a sefydliadau yn y trydydd sector.