Trosolwg o'r swydd

Cyfle cyffrous i arweinydd nyrsio sydd â phrofiad mewn llif cleifion, i gefnogi darparu gofal diogel, effeithiol ac amserol ar draws safle ysbyty Tywysoges Cymru ac fel rhan o dîm ehangach Bwrdd Iechyd Prifysgol Cwm Taf Morgannwg. 

Mae'r rôl hon yn gofyn am fodel rôl cryf ar gyfer arweinyddiaeth broffesiynol gydag agwedd agored, gadarnhaol tuag at wella llif cleifion trwy ddull system gyfan. Rhaid bod yn gyfathrebwr a chwaraewr tîm hynod effeithiol yn cefnogi'r tîm ehangach i hyrwyddo profiad diogel a chadarnhaol i gleifion. 

Bydd natur uchel ei chymhelliant a hyderus yn cefnogi'r diwylliant sy'n meithrin grymuso, dysgu cydweithredol a datblygiad proffesiynol parhaus. Bydd deiliad y swydd yn cefnogi'n weithredol allu'r sefydliad i ymateb i newid a gwella'n barhaus. 

Prif ddyletswyddau'r swydd

Bydd yr Uwch Nyrs ar gyfer Llif Cleifion yn gyfrifol am ddefnyddio adnoddau staff yn ddiogel ac yn effeithiol o ddydd i ddydd yn unol ag angen a lefel sgiliau briodol o fewn y timau dynodedig. Trosglwyddo gofal/rhyddhau yn amserol, yn ddiogel ac yn effeithiol.

Sicrhau profiad cadarnhaol i gleifion, lleihau niwed, gwastraff ac amrywiad. Mae hyn yn cynnwys arwain trawsnewid digidol a chefnogi'r gweithlu nyrsio i weithio'n hyderus gyda thechnolegau arloesol.

Diwylliant sy'n meithrin grymuso, dysgu cydweithredol a datblygiad proffesiynol parhaus.

Yn cefnogi'n weithredol allu'r sefydliad i ymateb i newid a gwella'n barhaus drwy feithrin dull trawsnewidiol o ran arddull arweinyddiaeth a rheolaeth.

Yn ei hanfod, bydd yr Uwch Nyrs yn cefnogi darparu llif cleifion diogel ac effeithiol o fewn yr adnoddau sydd ar gael.

Sgiliau Cymraeg yn Ddymunol: Rydyn ni’n hysbysebu’r swydd hon fel Cymraeg yn Ddymunol. Dydy hyn ddim yn golygu hanfodol; er nad oes angen sgiliau yn y Gymraeg ar yr ymgeisydd, byddwn yn ystyried hynny’n fantais wrth greu rhestr fer a dethol ymgeiswyr. Does dim angen bod yn ‘rhugl’, dim ond sgiliau Siarad a Gwrando ar Lefel 3 (sy'n cyfateb i CEFR B2) neu uwch. Mae Lefel 3 yn golygu sgyrsiau sylfaenol gyda chleifion am eu hiechyd pob dydd. Am ragor o wybodaeth, gweler ‘Canllawiau’r Iaith Gymraeg’ yn y dogfennau ar y gwaelod.

Gweithio i'n sefydliad

Mae Bwrdd Iechyd Prifysgol Cwm Taf Morgannwg yn rhan o deulu GIG Cymru. Mae ein Bwrdd Iechyd yn darparu gofal iechyd sylfaenol, eilaidd a chymunedol ynghyd â gwasanaethau lles i tua 450,000 o bobl sy’n byw mewn tair sir: Pen-y-bont ar Ogwr, Merthur Tydful a Rhondda Cynon Taf.

Rydyn ni’n byw yn ôl ein gwerthoedd craidd:

• Rydyn ni’n gwrando, yn dysgu ac yn gwella
• Rydyn ni’n trin pawb â pharch
• Rydyn ni i gyd yn gweithio fel un tîm

Rydyn ni’n gyflogwr lleol balch; mae tua 80% o’n gweithlu o 15,000 yn byw o fewn ein rhanbarth. O ganlyniad, nid enaid y sefydliad yn unig y mae ein staff yn ei gynrychioli, ond y cymunedau amrywiol rydyn ni’n eu gwasanaethu.