Trosolwg o'r swydd

MAE'R SWYDD HON YN GYFNOD PENODOL AM 12 MIS OHERWYDD CYLLID.

Y prif ddiben ydy darparu cefnogaeth glercaidd, weinyddol ac ysgrifenyddol gynhwysfawr i’r Tîm CBT Ar-lein yn ogystal â bod yn gyfrifol am drefnu cyfarfodydd, paratoi agendâu a phapurau, yn ôl y galw, a chymryd nodiadau a chofnodion ffurfiol a sicrhau bod unrhyw gamau gweithredu’n cael eu cymryd.

Bydd deiliad y swydd yn gyfrifol am gynnig cefnogaeth anghlinigol i
ddefnyddwyr y gwasanaeth CBT Ar-lein, gan gofrestru defnyddwyr
gwasanaeth ar y rhaglen, monitro cynnydd a rhyddhau defnyddwyr pan y
maen nhw wedi cwblhau neu wedi ymddieithrio rhag y rhaglen.
Darperir y gefnogaeth trwy’r platfform ar-lein yn ogystal â chyswllt dros y ffôn.

Un rhan bwysig o’r rôl hon ydy sicrhau bod gwybodaeth cleifion yn cael ei
thrin yn gyfrinachol a’i bod yn cael ei mewnbynnu’n gywir i’r Rhaglen CBT Ar-lein

Prif ddyletswyddau'r swydd

Hybu a gweinyddu’r gwasanaeth CBT Ar-lein ledled Powys, gan gynnwys cynnal cofnodion cleifion, cofrestru defnyddwyr gwasanaeth ar y rhaglen, darparu manylion i roi’r cofrestriad ar waith, cyfathrebu â nhw, eu monitro a chynnig cefnogaeth dechnegol trwy gydol y rhaglen.

Darparu adroddiadau ar gynnydd a’r wybodaeth ddiweddaraf i’r gweithwyr gofal iechyd proffesiynol a meddygon teulu sy’n atgyfeirio cleifion, trwy ddosbarthu llythyrau a ffurflenni adborth.

Cofnodi unrhyw broblemau â’r rhaglen CBT Ar-lein ac uwchgyfeirio’r rhain i’r darparwr meddalwedd ac olrhain gwaith adfer/cywiro’r problemau hyn.

Cydlynu a hwyluso mynediad i’r gwasanaeth CBT Ar-lein ar gyfer defnyddwyr gwasanaeth h.y. bwcio apwyntiadau mewn safleoedd cymunedol fel llyfrgelloedd, canolfannau gwaith ac ati, i ddefnyddwyr gwasanaeth allu defnyddio cyfrifiaduron/ argraffyddion er mwyn dilyn y rhaglen ar-lein.

Cefnogi a chynghori’r holl weithwyr gofal iechyd proffesiynol sy’n atgyfeirio cleifion, gan ateb unrhyw ymholiadau sydd ganddyn nhw neu sydd gan eu cleifion o ran y gwasanaeth CBT Ar-lein a sicrhau bod stoc o becynnau atgyfeirio’n cael ei anfon atyn nhw’n rheolaidd i sicrhau bod ganddyn nhw swm digonol bob amser.

Rheoli stoc, gan sicrhau bod yr holl hwyluswyr ar safle ac unrhyw rai eraill sy’n atgyfeirio’n cael cyflenwadau o’r nwyddau traul sy’n ofynnol i redeg y gwasanaeth CBT Ar-lein e.e. ffurflenni atgyfeirio, taflenni gwybodaeth ac ati. 

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://pthb.nhs.wales/working-for-us/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.