Trosolwg o'r swydd

Mae’r swydd hon yn cefnogi’r Partner Busnes Cyllid i ddarparu gwasanaethau Rheolaeth Ariannol cadarn i ddiwallu gofynion o ran adrodd a rheolaeth ariannol yn BIAP ac ar lefel ardaloedd.

Cyfrannu at baratoi gwaith gosod cyllideb flynyddol y Bwrdd Iechyd ac 
adroddiadau cyllid misol, a chyfrannu at gynhyrchu’r ystadegau monitro 
ariannol misol ar gyfer Llywodraeth Cymru. 

Nid yw gwaith yn cael ei oruchwylio ar lefel uwch ac mae angen ichi weithio ar eich liwt eich hun i wneud penderfyniadau, gan gyfeirio at eich rheolwr llinell o bryd i’w gilydd yn unig.

Cymryd y rôl arweiniol mewn cynnal a datblygu systemau rheolaeth ariannol cadarn, gyda gwybodaeth arbenigol o bob agwedd ar reolaeth ariannol yn unol â chyfundrefn y GIG.

Darparu cyngor strategol ar gyllid ac achosion busnes a bydd disgwyl 
dadansoddi a dehongli gwybodaeth rheolaeth ariannol hynod gymhleth i 
ddarparu cyfeiriad polisi ar gyfer y Bwrdd Iechyd o fewn eich meysydd 
arbenigedd.

Datblygu cynlluniau a chyfathrebu gwybodaeth ariannol gymhleth yn 
ddarbwyllol.

Fel uwch aelod o’r tîm Cyllid, bydd disgwyl i ddeiliad y swydd arwain y gwaith o ddarparu cefnogaeth rheolaeth ariannol i faes gwasanaeth sylweddol. 

Rheoli staff yn yr is-adran Cyfrifon Rheolaeth.

O fewn meysydd atebolrwydd cytunedig, bod yn gyfrifol am adrodd ariannol a chynghori eraill, o ran cyllidebau refeniw a goblygiadau ariannol datblygiadau afaethedig.

Bod yn gyfrifydd cyswllt ar gyfer un maes gwasanaeth neu fwy o fewn y Bwrdd Iechyd.

Prif ddyletswyddau'r swydd

Rheoli’r tîm Cyfrifeg Rheoli ar gyfer maes gwasanaeth penodol i gefnogi elfennau ariannol cynlluniau’r Bwrdd Iechyd. Sicrhau bod y staff, systemau a gweithdrefnau yn darparu strwythur cymorth effeithiol ac effeithlon sy'n gweithredu gyda gonestrwydd, uniondeb a phroffesiynoldeb.

 Mae meysydd penodol yn cynnwys rheolaeth y Gyllideb, Rheolaeth Ariannol, Cynllunio Ariannol, Adrodd, Rheoli Staff.

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.