Trosolwg o'r swydd

Disgwylir i ddeiliad y swydd fod yn gyfathrebwr rhagorol gyda sgiliau rhyngbersonol da a gwybodaeth eang am wasanaethau offthalmoleg a bydd yn gweithio mewn cydweithrediad ag uwch arweinwyr o amrywiaeth o ddisgyblaethau clinigol ym Mhowys.

Bydd deiliad y swydd yn dangos llwyddiant mewn rôl reoli a rôl glinigol ac wedi hen sefydlu hygrededd gyda nifer o randdeiliaid. Bydd gofyn i ddeiliad y swydd ysgogi ac ymgysylltu ag eraill i sicrhau bod y gwasanaethau y mae BIAP yn eu darparu a'u comisiynu yn cefnogi gwerthoedd Bwrdd Iechyd Powys, yn ogystal â chael dull arloesol nad yw'n ofni herio confensiwn a ffyrdd traddodiadol o weithio.

Bydd arweinydd arbenigedd offthalmoleg yn darparu arweinyddiaeth feddygol i'r gwasanaeth offthalmoleg/offthalmig i oruchwylio llywodraethu a sicrhau effeithiolrwydd clinigol a chynhyrchiant. 

Bydd deiliad y swydd hon yn goruchwylio'r gwaith o ddarparu gwasanaethau offthalmig/offthalmoleg o ansawdd uchel ar gyfer Bwrdd Iechyd Addysgu Powys. Bydd gofyn iddynt hefyd ddarparu arweinyddiaeth feddygol mewn archwilio, ymchwil a rheoli'r gwasanaeth offthalmoleg.  Bydd gofyn i ddeiliad y swydd feithrin perthnasoedd gwaith agos â chydweithwyr eraill fel rhan o'r tîm amlddisgyblaethol ar draws BIAP a gwasanaethau a gomisiynwyd.

Gellir dyrannu cyfrifoldeb i ddeiliad y swydd am oruchwyliaeth glinigol yn uniongyrchol neu'n anuniongyrchol o wasanaethau ymgynghorol offthalmoleg mewnol a staff clinigol eraill. Bydd hyn yn cyfateb i un sesiwn yr wythnos.

Prif ddyletswyddau'r swydd

• Cadeirio unrhyw grwpiau clinigol offthalmoleg a sefydlir o fewn y bwrdd iechyd a darparu cynrychiolaeth arweinyddiaeth arbenigol i Grŵp Cydweithredol Gofal Llygaid Powys. 
• Goruchwylio gwelliant parhaus y gwasanaeth offthalmoleg wedi'i fesur gan safonau'r Rhaglen Gofal wedi’i Gynllunio Genedlaethol a grwpiau lefel arbenigedd cysylltiedig e.e. Rhwydwaith Gweithredu Clinigol ar gyfer Offthalmoleg. Sicrhau bod y gwasanaeth yn barod i ennill a chynnal unrhyw achrediadau gwasanaeth perthnasol
• Goruchwylio datblygiad polisïau a phrotocolau clinigol o fewn y gwasanaeth offthalmoleg
• Goruchwylio rhaglen archwilio dreigl ar gyfer y gwasanaeth offthalmoleg gydag amserlenni a chyfranwyr cyfrifol
• Sicrhau dangosyddion perfformiad allweddol diogelwch ac ansawdd ar gyfer offthalmoleg gan eu hadolygu a gweithredu arnynt
• Darparu cefnogaeth ac arbenigedd wrth reoli tanberfformiad Offthalmoleg lle nodir hynny
• Goruchwylio adolygiad llywodraethu o ddigwyddiadau offthalmoleg a adroddwyd a dadansoddi tueddiadau
• Darparu cefnogaeth arbenigol i'r tîm gweithredol o ran cwynion ac ymchwiliadau i ddigwyddiadau o fewn y gwasanaeth offthalmoleg yn ôl yr angen
• Goruchwylio'r asesiad cymhwysedd a'r ddarpariaeth briodol o hyfforddiant mewn offthalmoleg. 
• Arwain datblygiad strategaeth glinigol ar gyfer offthalmoleg sy'n cefnogi ffrydiau gwaith trawsnewid iechyd gydag arweinyddiaeth arbenigol

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.