Trosolwg o'r swydd

Hoffech chi ymuno â thîm rhyngddisgyblaethol sy'n ymfalchïo mewn bod yn arloesol, effeithiol a chyfeillgar?

Hoffech chi weithio mewn amgylchedd hardd lle mae eich datblygiad personol a phroffesiynol yn cael ei annog?

Hoffech chi ymuno â thîm sy'n arbenigo mewn dull bioseicogymdeithasol o reoli cyflyrau iechyd hirdymor?

Os felly, byddem yn croesawu eich cais ar gyfer rôl Seicolegydd Cynorthwyol: Gwasanaeth Byw'n Dda Powys.

Fel tîm rydym yn credu mewn defnyddio adnoddau i helpu pobl i fyw'r bywydau y maent eu heisiau. Mae adnoddau digidol yn gwella mynediad at ein gwasanaethau ac yn lleihau'r angen i deithio. Fel gwasanaeth rydym yn defnyddio'r amgylchedd i wneud y gorau o'r cyfleoedd i wella iechyd a lles. Gan ddefnyddio’r dystiolaeth orau sydd ar gael, rydym yn dylunio ac yn gwella gwasanaethau ar y cyd â’r bobl a fydd yn eu defnyddio.

Byddwch yn dod â:

• Gwybodaeth a phrofiad sylweddol o gymhwyso modelau sy'n ymwneud â chyflyrau iechyd hirdymor, gan ddefnyddio ystod eang o dechnegau seicolegol
• Parodrwydd i weithio fel rhan o dîm rhyngddisgyblaethol
• Y gallu i ddarparu hyfforddiant i weithwyr proffesiynol eraill
• Brwdfrydedd dros ymchwil a datblygu
• Sgiliau digidol rhagorol gan gynnwys y gallu i ddefnyddio'r ystod lawn o offer Microsoft 365

Yn ogystal â darparu gwasanaeth seicolegol i Wasanaeth Byw'n Dda Powys, bydd disgwyl i chi ddatblygu eich sgiliau gan weithio ar draws yr ystod o gyd-forbidrwydd posibl.

Darperir cefnogaeth ar gyfer hyn.

Prif ddyletswyddau'r swydd

Cefnogi a chyfoethogi’r gofal seicolegol proffesiynol ar gyfer cleientiaid sydd angen Cyngor, Cefnogaeth a Rhagsefydlu fel rhan o Gwasanaeth Byw'n Dda Powys y Bwrdd Iechyd, ar draws pob sector gofal, gan ddarparu asesiad seicolegol ac ymyriadau seicolegol, a gweithio’n annibynnol yn unol â chynllun y cytunir arno â Seicolegydd cymwysedig ac o fewn fframwaith cyffredinol polisïau a gweithdrefnau’r Gwasanaeth Byw'n Dda Powys .

Cynorthwyo â gwaith gweinyddol sy’n glinigol gysylltiedig, cynnal archwiliadau, casglu ystadegau, a datblygu prosiectau archwilio a/neu ymchwilio, addysgu a gwaith prosiect.

Gan gynorthwyo Seicolegydd Clinigol cymwysedig, bydd y Seicolegydd Cynorthwyol yn gyfrifol am agweddau seicolegol ar y gofal amlddisgyblaeth/ amlasiantaeth a ddarperir i oedolion.

Cysylltu ag amrywiaeth eang o sefydliadau gwirfoddol a statudol ac yn darparu gwasanaeth cynghori iddyn nhw.

Caiff amser y Seicolegydd Cynorthwyol ei rannu rhwng tasgau clinigol/ gweinyddol a thasgau ymchwil / archwilio yn ôl y gofyn.

Bod yn gyfrifol am lwyth achosion cytunedig.  Bydd Seicolegydd Clinigol

Cymwysedig yn rheoli ac yn asesu’r gwaith hwn bob wythnos.

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.