Trosolwg o'r swydd

Rydym yn chwilio am Arweinydd Gwasanaeth ar gyfer ein Tîm Rhoi'r Gorau i Ysmygu.  Mae'n rôl allweddol sy'n cynnwys arwain y gwaith o gynllunio a darparu gwasanaeth cymunedol effeithiol ledled Powys, gan gynnwys rheoli tîm o ymgynghorwyr ysmygu.  Mae hefyd yn gofyn am weithio mewn partneriaeth i gefnogi a sicrhau darpariaeth ansawdd uchel o ystod eang o wasanaethau rhoi'r gorau i ysmygu, sy'n cyd-fynd â rhaglen 'Helpa Fi i Stopio' Llywodraeth Cymru, gan gynnwys HFS Ysbyty, HFS Babi a HFS Fferyllfa. Mae cydweithio effeithiol gyda phartneriaid a rhanddeiliaid allweddol ym Mhowys yn hanfodol er mwyn sicrhau bod targedau rhoi'r gorau i ysmygu Llywodraeth Cymru yn cael eu bodloni, er mwyn lleihau nifer yr achosion o ysmygu a gwella iechyd a lles ym mhoblogaeth Powys.

Hoffem glywed gennych os ydych yn:
Brofiadol wrth weithio gyda, a hwyluso maes rhoi'r gorau i ysmygu neu raglenni newid ymddygiad eraill.
Profiadol o ran gweithio mewn partneriaeth; adeiladu perthnasoedd cryf, meithrin ymddiriedaeth a chydweithrediad ymhlith partneriaid allweddol, rhanddeiliaid a grwpiau cymunedol.
Profiadol o ran strategaethau cyfathrebu effeithiol a chodi ymwybyddiaeth o wasanaethau.
Rheolwr tîm profiadol sy'n arweinydd cadarnhaol a rhagweithiol gyda'r gallu i ysgogi, ymgysylltu a chefnogi timau i gyflawni'r safonau a'r canlyniadau uchaf.
Gallu meddwl yn strategol, nodi a gweithredu lle mae cyfleoedd neu heriau, ac yn agored i ddulliau newydd.

Prif ddyletswyddau'r swydd

Mae'n rôl allweddol sy'n cynnwys arwain y gwaith o gynllunio a darparu gwasanaeth cymunedol effeithiol ledled Powys, gan gynnwys rheoli tîm o ymgynghorwyr ysmygu.  Mae hefyd yn gofyn am weithio mewn partneriaeth i gefnogi a sicrhau darpariaeth ansawdd uchel o ystod eang o wasanaethau rhoi'r gorau i ysmygu, sy'n cyd-fynd â rhaglen 'Helpa Fi i Stopio' Llywodraeth Cymru, gan gynnwys HFS Ysbyty, HFS Babi a HFS Fferyllfa. Mae cydweithio effeithiol gyda phartneriaid a rhanddeiliaid allweddol ym Mhowys yn hanfodol er mwyn sicrhau bod targedau rhoi'r gorau i ysmygu Llywodraeth Cymru yn cael eu bodloni, er mwyn lleihau nifer yr achosion o ysmygu a gwella iechyd a lles ym mhoblogaeth Powys.
Mae Bwrdd Iechyd Addysgu Powys yn chwilio am rywun sy'n angerddol am roi'r gorau i ysmygu, ac sy'n gallu defnyddio sgiliau cyfathrebu effeithiol i hyrwyddo a chodi ymwybyddiaeth o'r gwasanaeth.  Bydd angen iddynt ddangos eu bod yn ddeinamig ac yn ysbrydoledig, a fydd yn rhagweithiol wrth arwain y gwasanaeth rhoi'r gorau i ysmygu ym Mhowys i gefnogi ysmygwyr i roi'r gorau iddi.

Mae'r gallu i siarad Cymraeg yn ddymunol ar gyfer y swydd hon; Mae croeso cynnes i siaradwyr Cymraeg a / neu Saesneg wneud cais.

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.