Trosolwg o'r swydd

Mae swydd Pennaeth Bydwreigiaeth ac Iechyd Rhywiol yn un allweddol o fewn y Gyfarwyddiaeth a’r Bwrdd Iechyd, gyda phrif ffocws ar gyflenwi gofal sy’n ddiogel, yn dosturiol, yn effeithiol ac o ansawdd uchel.

Darparu arweinyddiaeth glinigol hynod weledol, awdurdodol o ran strategaeth, gweithrediadau ac arfer proffesiynol, yn unol â Chynllun Tymor Canolig Integredig Powys (CTCI) a fframweithiau Polisi Llywodraeth Cymru.

Prif ddyletswyddau'r swydd

Bydd deiliad y swydd yn arbenigwr y Bwrdd Iechyd ar bob mater sydd a wnelo â Bydwreigiaeth a bydd yn cynghori’r Cyfarwyddwr Gweithredol Nyrsio a Bydwreigiaeth, yn ogystal ag aelodau ehangach o’r Tîm Gweithredol, ar ddatblygu a chyflenwi Gwasanaethau Mamolaeth ac Iechyd Rhywiol modern ac effeithiol ar gyfer poblogaeth Powys. Gweithio gyda phartneriaid amlasiantaeth i wella darpariaeth gofal iechyd ar draws ffiniau sefydliadol a chymryd cyfrifoldeb am hybu a gwella iechyd a llesiant y boblogaeth.

Arwain rhaglenni datblygu bydwreigiaeth a staff bydwreigiaeth, yn cynnwys recriwtio, cadw a chynllunio gweithlu, gan fesur a gwella safonau gofal a phrofiad y claf/cleient, i gyflawni amcanion, targedau, safonau ansawdd cytunedig a rheoli’r gyllideb yn unol â’r CTCI a’r cynllun gwasanaeth.

Bod yn aelod gweithredol o’r Grŵp Penaethiaid Nyrsio a Bydwreigiaeth, gan ddarparu arweinyddiaeth a chyfeiriad ar gyfer yr agenda broffesiynol ym Mhowys. Hefyd, cynrychioli Powys ar fforymau lleol, rhanbarthol a chenedlaethol.

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.