Trosolwg o'r swydd

Ar hyn o bryd, nid ydym yn gallu darparu tystysgrifau nawdd ar gyfer y rôl hon gan nad yw'n bodloni meini prawf y Swyddfa Gartref. Felly, ni all unrhyw un sydd angen tystysgrif nawdd gael ei roi ar y rhestr fer na'i gyfweld.
Swydd Banc yn unig yw hon

Mae gennym gyfle cyffrous i Nyrs Offthalmoleg hynod frwdfrydig ymuno â'n Gwasanaethau Banc yn y gwasanaeth AMD Gwlyb (Wet AMD) mewn clinigau cleifion allanol ledled Powys.

Bydd angen i chi allu gweithio'n annibynnol, meddu ar sgiliau cyfathrebu a thrafod da mewn sefyllfaoedd clinigol cymhleth a meddu ar sgiliau arweinyddiaeth a sefydliadol cryf yn ogystal â phrofiad mewn cyflyrau a thriniaethau offthalmig. Mae angen i chi hefyd ddangos gwybodaeth arbenigol ar draws ystod o gyflyrau offthalmig a disgwylir i chi ymgymryd â dyletswyddau brysbennu clinigol o atgyfeiriadau sy'n briodol i gwmpas ymarfer ac arbenigedd. 

Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.

Prif ddyletswyddau'r swydd

Bydd deiliad y swydd yn asesu cleifion â chyflyrau llygaid cymhleth fel macwlar, achludiad gwythiennau’r retina ac oedema macwlaidd diabetig. Byddant yn adolygu canlyniadau profion diagnostig cleifion, gan gynnwys canlyniadau Tomograffeg Cydlyniant Optegol, Profi Maes Golwg, pwysau ym mhelen y llygad a gweinyddu triniaethau trwy’r llygaid yn unol â chanllawiau Coleg Brenhinol Offthalmoleg a NICE.

Gweithio i'n sefydliad

Disgrifir Powys fel lle hyfryd i fyw ac i weithio; lleoliad iechyd yn y cefn gwlad lle gallwch ddatblygu yn bersonol ac yn broffesiynol, a lle mae’r cleifion yn ganolog i’r ddarpariaeth. Os ydych chi’n weithiwr iechyd proffesiynol yn chwilio am bodlonrwydd yn eich gyrfa, yna Powys yw’r lle. Beth bynnag yw eich dyheadau gyrfa, rydym yn ymrwymedig i’ch cefnogi a’ch datblygu.

Mae Bwrdd Iechyd Addysgu Powys yn gyfrifol am fodloni anghenion iechyd a lles poblogaeth Powys. Powys yw’r sir fwyaf yng Nghymru, ac o Eryri yn y golgedd i’r Bannau yn y de, mae’n un o’r harddaf hefyd. Drwy weithio mewn partneriaeth rydym yn comisiynu, ac wedi ennill gwobrau am ddarparu, gofal mewn ysbytai, yn y gymuned, iechyd meddwl, a gwasanaethau anableddau dysgu, felly mae’n porffolio’n eang ac amrywiol. Rydym yn falch o gynnig gofal heb ei ail i’n cleifion ac ystod o yrfaoedd i bobl sydd eisiau gwneud gwahaniaeth go iawn.

Oeddech chi’n gwybod – Mae Bwrdd Iechyd Addysgu Powys yn derbyn ceisiadau i ymddeol a dychwelyd o fewn GIG Cymru. Os hoffech wybod rhagor, cysylltwch â thîm y gweithlu Bwrdd Iechyd Addysgu Powys ar 01874 712580 neu [email protected]

Mae Step into Health yn cysylltu cyflogwyr yn y GIG â phobl o gymuned y Lluoedd Arfog.

Croeso i ymgeiswyr ymgeisio yn y Gymraeg, ni chaiff cais yn y Gymraeg ei drin yn llai ffafriol nag un yn y Saesneg.