Trosolwg o'r swydd

Mae'r swydd yn gyfnod penodol / secondiad am 2 flynedd oherwydd cyllid. 

Mae cyfle cyffrous wedi codi ar gyfer Dadansoddwr Gwasanaethau Gwybodaeth i gynnig mewnwelediad allweddol ac awgrymiadau sy’n cael eu harwain gan ddata, gan gefnogi cydweithwyr i ddylunio a gweithredu datrysiadau digidol a gwella ansawdd y gwaith rheoli ymchwil.

Bydd y rôl hon yn addas i unigolyn hunan-gymhellol gyda sgiliau dadansoddol, cyfathrebu a datrys problemau cryf, sydd ag angerdd am wasanaethau a systemau digidol ac sy'n mwynhau llwyth gwaith amrywiol.

Bydd angen bod gan ddeiliad y swydd sgiliau cyfathrebu rhagorol, meddu ar ymagwedd gadarnhaol a hyblyg tuag at anghenion y Gwasanaeth, y gallu i gael ei ysgogi, yn barod ar gyfer yr her nesaf ac yn mwynhau gweithio fel rhan o dîm prysur iawn.

Gall y swydd gau'n gynnar os derbynnir ceisiadau digonol.

Prif ddyletswyddau'r swydd

Mae’r prif ddyletswyddau fel a ganlyn:

Cefnogaeth weithredol o ddydd i ddydd gyda systemau ymchwil, cynghori defnyddwyr y system ar gasglu data astudiaeth ymchwil a chydweithio â thimau traws-swyddogaethol i ddeall amcanion busnes a gofynion data ar gyfer prosiectau gwella gwasanaethau.

Gweithio gyda chydweithwyr i ddadansoddi ac argymell gwelliannau i gasglu data ac ansawdd data, gan ddefnyddio sgiliau cyfathrebu, sgiliau digidol a barn i wella cyflawnrwydd, amseroldeb, a chywirdeb data astudiaeth ymchwil a gwybodaeth rheoli gwasanaethau.

Sicrhau ansawdd o newidiadau i'r system, gweithio gyda chydweithwyr a chyflenwyr i gynllunio a phrofi datganiadau newydd a chefnogi'r defnydd o systemau ymchwil.

Gweithio i'n sefydliad

Mae hon yn swydd Ymchwil Iechyd a Gofal Cymru, a gynhelir gan Fwrdd Iechyd Addysgu Powys.

Mae Ymchwil Iechyd a Gofal Cymru yn sefydliad rhwydweithiol, gyda chefnogaeth Llywodraeth Cymru, sy'n dwyn ynghyd ystod eang o bartneriaid ar draws y GIG yng Nghymru, awdurdodau lleol, prifysgolion, sefydliadau ymchwil, y trydydd sector ac eraill.

Mae Ymchwil Iechyd a Gofal Cymru yn gweithio i gefnogi nod cyffredinol Llywodraeth Cymru sef sicrhau bod ymchwil heddiw yn gwneud gwahaniaeth i ofal yfory.  

Ei genhadaeth yw hyrwyddo, cefnogi a darparu goruchwyliaeth ar y cyd o ymchwil iechyd a gofal cymdeithasol yng Nghymru. Mae’n sicrhau ei fod o'r ansawdd gwyddonol rhyngwladol uchaf, yn berthnasol i anghenion a heriau iechyd a gofal cymdeithasol yng Nghymru ac yn gwneud gwahaniaeth i bolisi ac ymarfer mewn ffyrdd sy'n gwella bywydau cleifion, pobl a chymunedau yng Nghymru.