Trosolwg o'r swydd

Mae’r swydd hon am gyfnod penodol/secondiad am 12 misoedd oherwydd cyfnod mamolaeth

Darparu a chydlynu gwasanaeth ysgrifenyddol a gweinyddol cynhwysfawr, cyfrinachol ac o ansawdd uchel i’r tîm. Bod yn gyfrifol am sicrhau bod gweinyddiaeth a systemau swyddfa’n rhedeg yn llyfn ac yn effeithiol. Bydd deiliad y swydd yn gweithio ar ei liwt ei hun, yn datblygu ei systemau gweinyddol ei hun, yn rheoli ac yn blaenoriaethu ei (l)lwyth gwaith gan geisio cyngor ac uwchgyfeirio materion pan fo angen.

Bydd deiliad y swydd yn ymgysylltu â staff ar bob lefel a bydd felly’n dangos sgiliau dylanwadu, perswadio a chyfathrebu effeithiol ac ymddygiadau sy’n sicrhau bod gwaith yn cael ei gwblhau o fewn terfynau amser.

Bydd yn brif bwynt cyswllt ar gyfer amrywiaeth eang o staff, rhanddeiliad a sefydliadau allanol a dylai sicrhau bod gwasanaeth proffesiynol yn cael ei gynnal bob amser.

Prif ddyletswyddau'r swydd

Trefnu a chynllunio llwyth gwaith, dyddiadur ac ymrwymiadau’n cynnwys y trefniadau teithio a llety i gyd fel bo angen, gan gynnwys amserlennu cyfarfodydd ffurfiol a chymhleth a sicrhau bod cyfrifoldebau’n cael eu cyflawni o fewn terfynau amser a bod llif gwaith yn cael ei flaenoriaethu er mwyn cyrraedd targedau ac amcanion.

Byddem yn croesawu ceisiadau gan siaradwyr Cymraeg yn arbennig; ond hyd yn oed os nad ydych chi'n siarad unrhyw Gymraeg, neu os ydych chi eisiau datblygu eich sgiliau, peidiwch â phoeni: bydd y bwrdd iechyd yn eich cefnogi gyda hyfforddiant.

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.