Trosolwg o'r swydd

Mae'r Dirprwy Arweinydd Tîm Nyrsys Ardal yn gyfrifol am arweinyddiaeth glinigol a rheolaeth dros achosion mewn ardal ddynodedig. Bydd hyn yn cynnwys asesiadau holistig o anghenion gofal cleifion ynghyd â datblygu, gweithredu a gwerthuso gofal sy’n seiliedig ar dystiolaeth.  Mae'r oriau llawn amser yn cael eu ffafrio ond bydd cynllun rhan amser yn cael ei ystyried.

Mae ein blaenoriaethau o fewn y tîm yn canolbwyntio ar:

• Ofalu â thrugaredd, urddas, caredigrwydd a thosturi
• Darparu gofal diogel, effeithiol heb unrhyw niwed
• Gwrando ar gleifion a gofalwyr a gwella’r ffordd rydyn ni’n gweithio
• Datblygu arweinwyr hyderus, uchelgeisiol, ysbrydoledig
• Gweithio o fewn y tîm adnoddau cymunedol a phartneriaid y diwydiant er budd cleifion a’r boblogaeth
• Gweithlu Nyrsio a Bydwreigiaeth chwilfrydig, dadansoddol sydd wedi’i rymuso

 Bydd deiliad y swydd yn cymryd rhan mewn darparu gofal nyrsio medrus, annibynnol i gleifion yn eu cartrefi eu hunain. Mae dyletswyddau’n cynnwys asesiad a chefnogaeth gofal lliniarol, gofal ar ddiwedd oes, cefnogi ac asesu unigolion a gofalwyr â chyflyrau iechyd tymor hir, hybu sgiliau hunanreoli a gofalu am friwiau.

Prif ddyletswyddau'r swydd

Bydd deiliad y swydd yn gyfrifol am roi cymorth i Arweinydd y Tîm wrth reoli pecynnau amlddisgyblaeth/amlasiantaeth o ofal wedi'i drefnu a gofal heb ei drefnu i gleifion sydd â nifer o anghenion gofal lliniarol a chymhleth. Bydd deiliad y swydd yn cynorthwyo Arweinydd y Tîm yn seiliedig ar ofynion y tîm nyrsio trwy ddefnyddio sgiliau rheoli ac arwain effeithiol.

Yn gyfrifol am benodi gweithgareddau nyrsio clinigol i aelodau’r tîm nyrsio cymunedol sydd â'r sgiliau priodol, gan sicrhau bod gwasanaeth effeithlon ac effeithiol yn cael ei ddarparu i boblogaeth y practis.

Yn gyfrifol am benodi gweithgareddau nyrsio clinigol i aelodau’r tîm sydd â'r sgiliau priodol, gan sicrhau bod gwasanaeth effeithlon ac effeithiol yn cael ei ddarparu i boblogaeth y practis.

Yn gyfrifol am flaenoriaethu ymweliadau â’r cartref a ddirprwyir, yn unol ag angen clinigol a lleoliad y claf.

Mae'r gallu i siarad Cymraeg yn ddymunol ar gyfer y swydd hon; Mae croeso cynnes i siaradwyr Cymraeg a / neu Saesneg wneud cais.

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.