Trosolwg o'r swydd

Mae Rhwydwaith Asgwrn Cefn De Cymru yn chwilio am 2 unigolyn brwdfrydig, trefnus ac arloesol i ymgymryd â chontract tymor penodol 3 blynedd fel rolau Cyfarwyddwr Clinigol (0.2) a Dirprwy Gyfarwyddwr Clinigol (0.1). Bydd y rolau'n cynnwys gweithio gyda sefydliadau a darparwyr ledled De Cymru, Gorllewin Cymru a De Powys.

Bydd y rôl yn cefnogi sefydlu a chyflwyno Rhwydwaith Asgwrn Cefn De Cymru (SWSN), gan wasanaethu poblogaeth De Cymru, Gorllewin Cymru a De Powys. Bydd gan ddeiliad y swydd fandad i arwain y cydweithio rhwng darparwyr sy'n darparu gwasanaethau asgwrn cefn ledled y rhanbarth. Mae'r rôl yn cyd-fynd â datganiad cenhadaeth y rhwydwaith o 'ddarparu gofal asgwrn cefn amserol, effeithiol a rhagorol i'n poblogaeth.

Prif ddyletswyddau'r swydd

Mae gan y rhwydwaith asgwrn cefn gyfrifoldeb cydlynu am sicrhau bod anghenion pob claf â phatholegau asgwrn cefn yn cael eu diwallu a bydd hyn yn cynnwys:

Darparu gwasanaethau yn seiliedig ar anghenion unigolion, waeth beth fo'u lleoliad daearyddol

Sicrhau bod cleifion sydd angen llawdriniaeth frys ar eu cefn yn cael eu cludo cyn gynted â phosibl ac mor ddiogel â phosibl i'r ysbyty a all reoli'r gofal pendant am eu cyflwr orau, naill ai'n uniongyrchol neu drwy drosglwyddo rhwng ysbytai.

Cefnogi teuluoedd a gofalwyr cleifion

Darparu cynllun cynhwysfawr ar gyfer adsefydlu yn gynnar iawn yn llwybr y claf

Sicrhau bod yr arfer gorau sy'n seiliedig ar dystiolaeth yn cael ei gyflwyno a'i gynnal

Cefnogir Bwrdd Rhwydwaith Asgwrn Cefn De Cymru (SWSN) gan y Grŵp Sicrwydd Cyflawni sy'n comisiynu, gyda nifer o strwythurau llywodraethu yn bwydo i mewn i fwrdd y rhwydwaith.

Gweithio i'n sefydliad

Mae gan Fwrdd Iechyd Prifysgol Bae Abertawe gyfrifoldeb dros iechyd oddeutu 390,000 o bobl yn ardaloedd Castell-nedd Port Talbot ac Abertawe, gyda chyllideb o tua £1 biliwn ac mae’n cyflogi 12,500 o bobl.    Rydym yn Fwrdd Iechyd Prifysgol sy’n gweithio mewn partneriaeth â Phrifysgol Abertawe, Ysgol Meddygaeth Abertawe, yr Ysgol Gwyddor Iechyd a’r Sefydliad Gwyddor Bywyd. Mae gan y Bwrdd Iechyd dri phrif ysbyty sy’n darparu ystod o wasanaethau: Ysbytai Treforys a Singleton yn Abertawe ac ysbyty Castell-nedd Port Talbot ym Maglan, Port Talbot.

Darperir gwasanaethau Iechyd Meddwl ac Anableddau Dysgu mewn ysbytai (Ysbyty Cefn Coed, clinig Caswell Abertawe a Thaith Newydd yng Nglanrhyd Pen-y-bont ar Ogwr) a lleoliadau cymunedol eraill. 

Mae gennym hefyd ysbytai cymunedol a chanolfannau adnoddau gofal sylfaenol sy’n darparu gwasanaethau clinigol y tu allan i’r prif ysbytai. 

Mae’r Bwrdd Iechyd yn rhan o Gydweithrediad Rhanbarthol ar gyfer Iechyd (ARCH), sy’n bartneriaeth rhwng Bwrdd Iechyd Prifysgol Hywel Dda a Phrifysgol Abertawe. Gyda’r nod o wella lles a chyfoeth de-orllewin Cymru.