Trosolwg o'r swydd

Rydym yn chwilio am fferyllydd brwdfrydig i weithio yn ein Gwasanaeth Meddyginiaethau Arennol arloesol a chefnogol. Byddwch yn gofalu am bobl a chlefyd yr arennau ledled De-orllewin Cymru o'n hyb amlddisgyblaethol yn Ysbyty Treforys.

Mae galw cynyddol, meddyginiaeth newydd cyffrous a ffocws ar clefyd cronig yn yr arennau mewn gofal sylfaenol ac eilaidd i’w groesawu, ac yn gyfle i fferylliaeth arwain gwelliannau yn iechyd a lles ein poblogaeth.

Byddwch yn rhoi cyngor arbenigol i glinigwyr a chleifion mewnol sydd â chlefyd cronig ac acíwt ar yr arennau, pobl sy'n cael dialysis a'r rhai sy'n cael trawsblaniad aren. Mae meysydd arbenigol yn cynnwys gofal ar ol trawsblannu arennau, anemia arennol, anhwylder mwynau ac esgyrn, a fasgwlitis. 

Bydd y rol hon hefyd yn datblygu eich gwybodaeth a'ch dealltwriaeth o glefyd cardiofasgwlaidd, Anafiadau Acíwt i'r Arennau, rheolaeth ffarmacolegol amlawdriniaethol, stiwardiaeth gwrthficrobaidd, a rheoli symptomau. Byddwch yn rhagnodi'n rheolaidd (gyda'r cymwysterau gofynnol).

Byddwch yn gweithio ar draws rhyngwynebau lluosog, gan gynnwys gofal sylfaenol i eilaidd, rhyng-Bwrdd Iechyd a rhyng-arbenigedd, a chyda chomisiynwyr, darparwyr gwasanaethau annibynnol, y byd academaidd a'r trydydd sector.

Byddwch yn arwain prosiectau archwilio, gwella ansawdd ac ymchwil. Byddwch yn cyfrannu at addysg a hyfforddiant ein cydweithwyr aml-broffesiynol, a datblygiad hirdymor y Gwasanaeth Meddyginiaethau Arennol.

Prif ddyletswyddau'r swydd

• Darparu cyngor ffarmacolegol a gofal i bobl a chlefyd yr arennau yn Ysbyty Treforys, ac i gleifion allanol ledled rhanbarth arennol De-orllewin Cymru
• Dadansoddi ac adolygu siartiau cyffuriau
• Cyfrannu at y gwasanaeth dosbarthu fferyllol arennol
• Rheoli a blaenoriaethu llwyth gwaith yn effeithiol
• Dehongli tystiolaeth briodol, a chanllawiau perthnasol er mwyn llunio cynlluniau gofal fferyllol
• Cyfrannu at cyfarfodydd amlddisgyblaethol ac adrannol
• Dadansoddi a dehongli data labordy yn effeithiol
• Gweithredu fel rhagnodwr annibynnol (gyda chymwysterau a phrofiad perthnasol)
• Rheoli risg glinigol ym mhob maes gofal fferyllol a chymryd camau priodol yn ol yr angen 
• Sicrhau cydymffurfiaeth â phrotocolau a gweithdrefnau fferyllol
• Nodi problemau gyda dealltwriaeth claf neu allu i gymryd meddyginiaeth a darparu atebion addas
• Sicrhau y cedwir at brotocolau a chanllawiau perthnasol, a fformiwlau lleol 
• Bod yn gyfrifol am storio meddyginiaethau a rheoli stoc fferyllol
• Cyfrannu at bolisïau a chanllawiau sy'n ymwneud a chyffuriau a'u rhoi ar waith
• Mynd ati i gynnal prosiectau archwilio a gwella ansawdd
• Darparu addysg a hyfforddiant i gydweithwyr
• Monitro defnydd a gwariant cyffuriau arennol, a chyfrannu at adroddiadau perthnasol
• Delio a sefyllfaoedd anodd yn effeithiol
• Cyfrannu at ddatblygiad digidol a chynaliadwyedd y gwasanaeth meddyginiaethau arennol

Gweithio i'n sefydliad

Credwn mai staff yw ein hased gorau ac rydym am ichi fod yn hapus ac yn hyderus ynglyn a dechrau eich gyrfa yma ym Mwrdd Iechyd Prifysgol Bae Abertawe.

Fel un o'r grwpiau gofal iechyd mwyaf yn y DU, gallwn gynnig cyfoeth o gyfleoedd hyfforddi a datblygu proffesiynol mewn sefydliad arloesol, blaengar.

Efallai eich bod yn nyrs neu'n feddyg, efallai eich bod yn arbenigo mewn gwyddor iechyd / therapi neu'n gallu cynnig sgiliau yn un o'n gwasanaethau cymorth - mae gennym swydd i chi.

Mae yna hefyd brentisiaethau, lleoliadau gwaith a rolau gwirfoddoli ar gael.

Rydym yn gyflogwr cynhwysol ac yn croesawu ceisiadau gan bawb beth bynnag fo'u rhyw; crefydd neu gred; ras; oed; cyfeiriadedd rhywiol; hunaniaeth rhyw neu, p'un a ydynt yn feichiog neu wedi bod ar gyfnod mamolaeth yn ddiweddar, yn briod neu mewn partneriaeth sifil; neu, os ydyn nhw'n anabl.

Mae ein gwerthoedd – Gofalu am ein gilydd, Cydweithio a Yn gwella bob amser, yn dangos bod ein hymrwymiad i gydraddoldeb wrth wraidd popeth a wnawn.

Os ydych chi eisiau cyfleoedd gyrfa a hyfforddiant rhagorol wrth fyw ar stepen drws rhai o olygfeydd mwyaf ysblennydd Ewrop, gyda holl fanteision dinas sy'n ffynnu a chosmopolitaidd - edrychwch ymhellach.