Trosolwg o'r swydd

MAE’R SWYDD HON AM GYFNOD PENODOL/SECONDIAD AM 31/03/2026 OHERWYDD CWRDD GOFYNION Y GWASANAETH 

OS OES DIDDORDEB GYDA CHI MEWN CEISIO AM SWYDD SECONDIAD, MAE’N RHAID I CHI GAEL CANIATAD EICH RHEOLWR LLINELL PRESENNOL CYN I CHI GEISIO AM Y SWYDD HON

Mae Gwasanaeth Clywedeg Gofal Cychwynnol Gogledd Cymru yn ehangu!  Mae ein gwasanaeth yn dymuno recriwtio staff Gradd 5 cymwysedig i helpu i ddarparu gwasanaeth tynnu cwyr newydd i gleifion ar draws Gogledd Cymru.  Mae'r gwasanaeth yn gweithredu ar draws Gogledd Cymru gyfan o Wrecsam i Ynys Môn, gan wasanaethu ardal amrywiol gyda golygfeydd arfordirol a gwledig hyfryd.  

Prif ddyletswyddau'r swydd

Mae hwn yn gyfle cyffrous i ymuno â thîm dynamig sydd wedi ennill ei blwyf yn gweithio mewn meddygfeydd.   Byddwch yn helpu i ddarparu gwasanaeth tynnu cwyr diogel ac effeithiol i gleifion o fewn clwstwr Gofal Cychwynnol penodol.  Bydd hyn yn cynnwys tynnu cwyr drwy ddefnyddio technegau â llaw (microsugno), yn ogystal â chynorthwyo gydag asesiadau llinell gyntaf clyw a thinitws.  Unwaith byddwch wedi sefydlu'n llawn yn y rôl, bydd eich amser yn cael ei rannu rhwng Gofal Cychwynnol a gweithio o fewn y Gwasanaeth Adsefydlu Oedolion Clywedeg mewn gofal eilaidd, gan wneud pob agwedd o adsefydlu oedolion awdioleg rheolaidd.  Mae tynnu cwyr drwy ddefnyddio microsugno yn rhan allweddol o'r rôl, a bydd hyfforddiant yn cael ei drefnu i’r ymgeisydd llwyddiannus os bo angen.  Yn ychwanegol at gyfrifoldebau clinigol, bydd gan yr ymgeisydd llwyddiannus gyfle i fod yn rhan o archwiliad, datblygiad gwasanaeth a gweithgarwch ymchwil wrth i'r gwasanaeth ehangu.

Bydd yr ymgeisydd delfrydol yn gymwys i gofrestru gyda'r AHCS neu'r RCCP, ac yn hyderus i weithio ar ei ben ei hun ac yn barod am her newydd.   

Os ydych wedi cael eich ysbrydoli gan y cyfle i fod yn rhan o'r gwasanaeth newydd sy'n datblygu ac yn ehangu hwn, hoffem glywed gennych.   Os hoffech dreulio diwrnod yn cysgodi'r gwasanaeth, cysylltwch â ni i drafod cyn gwneud cais.    

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.