Trosolwg o'r swydd

Mae cyfle wedi codi i Swyddog Clercyddol Band 2 brwdfrydig a threfnus ymuno â'r Tîm Continence.  Bydd y swydd yn rhan o rannu swydd gan weithio 18.75 awr yr wythnos i ddarparu cymorth gweinyddol i'r Tîm Continence sydd wedi'i leoli yn Ysbyty Maelor Wrecsam.

Bydd deiliaid y swydd yn gyfathrebwyr ardderchog sy'n gyfarwydd ag ystod lawn o dasgau clercyddol a byddant yn gallu ymgymryd â dyletswyddau penodol pan fo angen. Mae profiad o weithio mewn amgylchedd swyddfa prysur a safon dda o sgiliau teipio a TG yn hanfodol.

Mae'n rhaid i ddeiliaid swydd feddu ar y gallu i weithio gan ddefnyddio eu cymhelliant eu hunain yn ogystal â bod yn rhan o dîm, a meddu ar ymrwymiad i roi cymorth gweinyddol i'r Tîm Continence.

Prif ddyletswyddau'r swydd

Darparu a threfnu gwasanaeth gweinyddol cynhwysfawr effeithlon, cywir a phrydlon ar lefel uchel i'r Tîm Ymataliaeth a chynorthwyo i redeg y gwasanaeth yn hwylus. Bydd deilydd y swydd yn ymdrin â gwybodaeth sensitif a chyfrinachol iawn sy'n ymwneud â materion sy'n effeithio ar gleifion a'u teuluoedd.

Dyma ofynion y rôl:

• Prosesu cyfeiriadau cleifion a ffurflenni ceisiadau am gynnyrch 
• Trefnu apwyntiadau i gleifion trwy system TG fewnol 
• Uwchlwytho dogfennaeth cleifion 
• Prosesu manylion clinigau wedi'u canslo, cysylltu â chleifion ac aildrefnu apwyntiadau OPD 
• Paratoi a threfnu dogfennaeth gysylltiedig ar gyfer cyrsiau hyfforddiant ynghylch Ymataliaeth
• Creu a phrosesu archebion am gyflenwadau
• Derbyn nwyddau a ddanfonir a threfnu'r post a dderbynnir ac a anfonir
• Adrodd a chofnodi problemau yn ymwneud ag ystadau
• Delio â phob math o ymholiadau cyffredinol, dros y ffôn a thrwy e-bost, gan gleifion a chydweithwyr

Fel aelod o'r Tîm Gweinyddol, mae ymagwedd hyblyg at y gwaith yn hanfodol i alluogi blaenoriaethu'r llwythi gwaith a’r dyletswyddau amrywiol.

Mae angen sgiliau cyfathrebu a rhyngbersonol rhagorol i gyflawni dyletswyddau yn dringar ac yn sensitif. 

Mae'r gallu i siarad Cymraeg yn ddymunol ar gyfer y swydd hon. Croesawir ceisiadau gan bobl sy’n siarad Saesneg a/neu Gymraeg.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.

Mae’r gallu i siarad Cymraeg yn ddymunol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.