Trosolwg o'r swydd

Mae cyfle cyffrous wedi codi am Nyrs Gofrestredig Oedolion brwdfrydig ac ysgogol i ymuno â'n tîm cyfeillgar ac sy'n tyfu ar yr Uned Asesu AMU fel Dirprwy Reolwr Ward.  Mae'r Uned Asesu AMU o fewn y Cwadrant Brys ac yn faes o ddatblygiad parhaus.  Rydym yn uned asesu lem 23 gwely ac yn Uned Gofal Brys Dydd (AEC).  Yn arbenigol mewn meddygaeth lem a derbyniadau brys gan yr Adran Achosion Brys a Meddygon Teulu. 

Mae'r Uned Asesu AMU yn dymuno penodi unigolyn ysgogol iawn sy'n ffynnu mewn amgylchedd sy'n symud yn gyflym ac sydd eisiau cyfrannu at ein gweledigaeth o ddarparu gofal nyrsio tosturiol.  Rydym yn dymuno recriwtio dirprwy reolwr ward a all wneud gwahaniaeth gyda'i ymroddiad a'i arbenigedd wth gadw at werthoedd ac ymddygiad y Bwrdd Iechyd.  Rydym yn adran gyfeillgar gydag ethos positif ac arweinyddiaeth nyrsio gadarn. 

Fel nyrs profiadol, byddwch yn gweithio yn glinigol fel aelod o'r tîm nyrsio yn darparu cyngor clinigol, arbenigedd ac arweinyddiaeth i'r holl staff ac mewn partneriaeth â'r rheolwyr ward.  Mae angen i'r ymgeiswyr fod â gwybodaeth gadarn am sgiliau clinigol, arwain a rheoli.  Gallu dangos y gallu i arwain yn ogystal â gweithio o fewn tîm: i oruchwylio, meithrin a datblygu gwybodaeth a sgiliau staff. 

Prif ddyletswyddau'r swydd

Cefnogi Rheolwr y Ward i reoli'r ward o ddydd i ddydd. Cymryd gofal o'r ward yn absenoldeb Rheolwr y Ward. Sicrhau bod y ward yn rhedeg yn effeithlon, drwy hyrwyddo gofal iechyd meddwl drwy bolisïau'r Bwrdd Iechyd a chanllawiau a chod ymarfer yr NMC.

Mae'r gallu siarad Cymraeg yn ddymunol ar gyfer y swydd hon; bydd yr un cyfle yn cael ei roi i ymgeiswyr Cymraeg a/neu Saesneg ymgeisio.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.