Trosolwg o'r swydd

Mae'r Nyrs Glinigol Arbenigol yn gweithio ar draws BIPBC o fewn arbenigedd clinigol yn gweithredu rolau ymarferwyr, addysgwyr, meddygon ymgynghorol, ymchwilwyr, arweinwyr/ asiant newid a chydlynydd gofal/ rheolwr achos yn gweithio i gael rhagoriaeth glinigol a chanlyniadau iechyd gwell.

Cydnabyddir Nyrsys Glinigol Arbenigol yn rhyngwladol fel ymarferwyr arbenigol, gyda gwybodaeth fanwl o arbenigedd sy'n arwain at ehangu ffiniau arfer nyrsio a gweithredu arfer ar sail tystiolaeth ac ymchwil glinigol. 

Maer arfer glinigol yn ganolog i rôl y Nyrs Glinigol Arbenigol, fodd bynnag er mwyn dylanwadu a gwella arfer nyrsio mae'n hanfodol bod y rôl yn cael ei thanategu gan alluoedd fel yr amlinellwyd yn y disgrifiad swydd isod.  Oherwydd amrywiaeth rôl y CNS, bydd y prif atebolrwydd a'r prif ddangosyddion perfformiad yn amrywio yn ôl y claf/poblogaeth ac anghenion gwasanaeth.  Felly, bydd y prif ddangosyddion perfformiad yn cael eu pennu gan y gwasanaeth unigol a bydd yn cael ei seilio ar y prif atebolrwydd fel yr amlinellwyd yn y disgrifiad swydd generig CNS hwn.

Mae'r swydd hon yn cynnwys llwyth gwaith clinigol. 

Prif ddyletswyddau'r swydd

Rhoi gwybodaeth nyrsio arbenigol o ran rheoli gofal cleifion o fewn maes arfer arbenigol a ddiffiniwyd, gan weithio gyda'r claf, teulu neu weithwyr proffesiynol iechyd eraill i ddarparu gofal nyrsio prydlon i wella'r canlyniadau.

Defnyddio sgiliau asesu iechyd uwch i asesu cleifion a barnu ei arfer ei hun i gynnal gallu clinigol.

Rhagnodi therapiwteg nyrsio uwch ar sail tystiolaeth, ymyriadau fferyllol/nad yw'n fferyllol, mesurau diagnostig, offer, gweithdrefnau a thriniaethau i fodloni anghenion y cleifion, teuluoedd a grwpiau, yn unol â pharatoad proffesiynol, polisïau sefydliadol a sgôp arfer.

Yn batrwm ymddwyn ar gyfer arfer clinigol arbenigol ar sail tystiolaeth, ac yn cael ei weld fel unigolyn effeithiol, datblygol a gwybodus iawn.

Yn tywys a chefnogi eraill yn yr arbenigedd wrth asesu, gwneud penderfyniadau clinigol, gweithredu, gwerthuso a dogfennu gofal.

Rhoi arweinyddiaeth, bod yn batrwm ymddwyn ac arwain eraill o ran arfer nyrsio.

Rhwydweithio'n genedlaethol ac yn rhyngwladol i ddynodi a gweithredu gwelliannau nyrsio a newid mewn arfer.

Dynodi cyfleoedd ar gyfer addysg ar les/ iechyd cyffredinol e.e. rhoi'r gorau i ysmygu.

Mae'r gallu i siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg a/neu Saesneg wneud cais. 

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.