Trosolwg o'r swydd

Dyma gyfle cyffrous a gwerth chweil i helpu i wneud gwahaniaeth gwirioneddol i Oedolion Hŷn ym maes gwasanaethau gofal dementia acíwt, ac i Oedolion Hŷn mewn gwasanaethau gofal swyddogaethol yng Ngogledd Cymru. Nod y swydd uwch hon yw darparu mewnbwn seicolegol a goruchwyliaeth mewn gwasanaethau seicoleg gofal dementia acíwt a gwasanaethau swyddogaethol yn ardal Dwyrain Wrecsam a Sir y Fflint BIPBC. Y nodau craidd fydd darparu arweinyddiaeth seicolegol ar ddatblygiad a chyflwyniad parhaus MDT bioseicogymdeithasol ar gyfer gofal dementia acíwt, ymyriadau MDT o fewn lleoliadau cleifion mewnol gofal dementia i oedolion hŷn, ac arwain y gwaith o ddarparu cyngor arbenigol, ymgynghoriaeth, hyfforddiant a goruchwyliaeth mewn dulliau seicolegol o fewn y lleoliadau hyn gyda'r llwybr gofal acíwt mewn golwg. Bydd deilydd y swydd yn darparu ymyriadau seicolegol, asesiadau ymddygiadol a niwroseicolegol, hyfforddiant staff, cefnogaeth a goruchwyliaeth o fewn y llwybr gofal dementia acíwt yn Nwyrain Wrecsam a Sir y Fflint.  Bydd hefyd yn ofynnol i ddeilydd y swydd ddarparu cymorth clinigol seicolegol arbenigol yn uniongyrchol i ddefnyddwyr gwasanaethau a theuluoedd.  

 Mae potensial i gyfuno'r swydd hon â swyddi Prif Seicolegydd Clinigol Gofal Acíwt Iechyd Meddwl i Oedolion Hŷn a hysbysebir ar yr un pryd. Ymholiwch os oes gennych ddiddordeb yn hyn.

Prif ddyletswyddau'r swydd

• Bod yn aelod gweithgar ac integredig o'r tîm iechyd meddwl cleifion mewnol amlddisgyblaethol.
• Darparu gwasanaeth seicoleg glinigol arbenigol iawn i gleientiaid y sector, gan ddarparu asesiad a therapi seicolegol arbenigol i gleientiaid, a gwasanaeth ymgynghori i staff.
• Gweithio'n annibynnol yn unol â Code of Conduct, Ethical Principles and Guidelines 2004 Cymdeithas Seicolegol Prydain a'r Cyngor Proffesiynau Iechyd a Gofal.
• Cynllunio a darparu ymyriadau i unigolion a grwpiau, yn uniongyrchol a thrwy arweiniad aelodau o'r tîm amlddisgyblaethol.
• Cynnal llwyth achosion seicoleg glinigol arbenigol o gleientiaid sy'n oedolion sydd â phroblemau iechyd meddwl cymhleth ac mewn lleoliad cleifion mewnol, yn cynnwys cynnig asesiadau niwroseicolegol arbenigol a llunio ymyriadau i unigolion a grwpiau.
• Darparu arweinyddiaeth glinigol effeithiol drwy ddangos a hyrwyddo rhagoriaeth wrth gynnal asesiadau hynod arbenigol, llunio ymyriadau sy'n seiliedig ar dystiolaeth a chynnig cyngor ac ymgynghoriaeth ynghylch achosion clinigol cymhleth i weithwyr iechyd proffesiynol eraill. Bod yn adnodd hynod arbenigol i'r gymuned broffesiynol ehangach.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.

Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.