Trosolwg o'r swydd

Rydym yn falch o gynnig cyfle i Fydwraig brwdfrydig a llawn cymhelliant i ymuno â'r tîm ar Ward Geni fel Cydlynydd Shift, a leolir yn  Ysbyty Maelor. Bydd y’r ymarferydd yn cymryd cyfrifoldeb am gydlynu gofal o fewn y Ward Geni. Byddwch yn gyfrifol am asesu, cynllunio a gweithredu gofal i ferched risg uchel ac isel yn y cyn-geni a intrapartwm ac yn achlysurol cyfnod ôl-enedigol. Byddwch yn darparu arweinyddiaeth glinigol ar lefel ward, gan sicrhau bod y safonau uchaf o ofal clinigol yn cael eu cyflawni a'u monitro yn barhaus. Byddwch yn cymryd rhan yn y gwaith o reoli a Chyflawni, rotas a goruchwylio / mentora dysgwyr, cefnogi ac arwain tîm o staff wrth ddarparu gofal sy'n canolbwyntio ar y cleient yn seiliedig ar dystiolaeth.

Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.

Prif ddyletswyddau'r swydd

• Sicrhau bod staff yn cael eu goruchwylio o ddydd i ddydd, eu dyrannu a'u cydlynu gyda chydnabyddiaeth o gymysgedd sgil a gallu.
• Goruchwylio staff meddygol, eu cynghori a’u cefnogi a chwblhau eu gwerthusiadau fel gofynnir.
• Mabwysiadu systemau cyfathrebu effeithiol rhwng staff o bob disgyblaeth er mwyn cyflawni amgylchedd weithio cadarnhaol.
• Cydnabod cyflawniadau'r tîm ac unigolion y tîm, eu cyfathrebu a'u gwobrwyo.
• Dynodi unrhyw faterion perfformio gwael ac adrodd arnynt.
• Cymryd cyfrifoldeb am reoli adnoddau a'u harchebu yn y ward, gan ddynodi unrhyw broblem a all effeithio ar ddysgu, datblygiad, perfformiad a gofal clinigol a mynd i'r afael â nhw.
• Rhoi gwybod am bob digwyddiad a damwain drwy systemau rheoli risg y Bwrdd Iechyd a'r Uned Mamolaeth.
• Cymryd rhan yn rota deilydd blip yr uned gan gymryd cyfrifoldeb ar sail shifft yn ôl shifft am wasanaethau mamolaeth a gynaecoleg.
• Sicrhau bod yr amgylchedd ward yn ddiogel, yn lân ac yn daclus, ac y cedwir at y Polisi Rheoli Iechyd a Diogelwch bob amser.
• Cymryd cyfrifoldeb cyffredinol ar gyfer sicrhau cymysgedd sgil addas yn y ward yn cynnwys cwblhau'r rota dyletswydd ar gyfer staff Ward Esgor.
• Cymryd cyfrifoldeb am les proffesiynol staff sydd wedi'u dynodi i weithio ar y Ward Esgor gan fod ar gael i drafod unrhyw broblemau/benblethau yn agored ac yn fodlon eu trafod.
• Tawelu ymddygiad heriol ac ymddwyn fel enghraifft i sicrhau bod holl sefyllfaoedd anodd posibl yn cael eu rheoli mewn modd sensitif.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.