Trosolwg o'r swydd

Ydych chi eisiau dechrau gyrfa mewn Gweinyddu Busnes?

Cymerwch eich cam cyntaf i yrfa mewn Gweinyddu Busnes gyda chyfle cyffrous ym Mwrdd Iechyd Prifysgol Betsi Cadwaladr, gan weithio mewn partneriaeth â Choleg Addysg Bellach. Mae'r prentisiaeth yn cynnig llwybr cefnogol i Weinyddu Busnes, gan eich helpu i ennill profiad gwerthfawr i lansio'ch gyrfa.

 Rydym yn disgwyl i chi:

• Fod â sgiliau rhifedd and lythrennedd da
• Fod â sgiliau cyfathrebu rhagorol
• Gallu dangos sgiliau trefnu
• Gallu defnyddio cymwysiadau Microsoft Office
• Bod yn barod I ddysgu

Fel prentis, gallwch ddisgwyl gennym ni:

Hyfforddiant llawn drwy:

• Gweithio ochr yn ochr â staff profiadol I’ch cefnogi a’ch helpu I ennill y sgiliau ymarferol sydd eu hangen arnoch.
• Dysgu sgiliau penodol i’r swydd.
• Hyfforddiant i gyflawni cymhwyster galwedigaethol Lefel 2 mewn Gweinyddu Busnes o fewn 2 flynedd i gychwyn.
• Bydd eich holl hyfforddiant yn cael ei dalu’n llawn.
• Profiad gwych o weithio fel rhan o dîm, gan wneud gwahaniaeth.

Meini prawf cymhwysedd ar gyfer Cynlluniau Prentisiaethau a Ariennir gan y Llwyodraeth (Yn berthnasol i’r swydd hon):

• Nid yw unigolion sydd eisoes â gradd yn gymwys i ymgymryd â Phrentisiaeth Lefel 2.
• Ni all ymgeiswyr fod wedi cofrestru ar hyn o bryd mewn unrhyw fath o addysg ffurfiol a ariennir gan y Llwyodraeth.
• Ni ddylai ymgeiswyr fod â chymhwyster Lefel 2 mewn Gweinyddu Busnes eisoes.

Prif ddyletswyddau'r swydd

Bydd Prentisiaid Gweinyddu Busnes yn gweithio tuag at y dyletswyddau a amlinellir yn y disgrifiad swydd.  Ni ddisgwylir iddynt gyflawni’r ystod lawn o gyfrifioldebau nes eu bod wedi derbyn yr hyfforddiant priodol a dangos y cymhwysedd angenrheidiol.

Deall y rôl a pharodwydd I ddysgu a datblygu gwybodaeth ddamcaniaethol a sgiliau ymarferol.

Mae'r gallu i siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg a/neu Saesneg wneud cais.  

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.