Trosolwg o'r swydd

Rydym yn chwilio am Ffisiotherapydd talentog a threfnus.  Bydd gan yr ymgeisydd llwyddiannus radd neu gymhwyster cyfatebol mewn Ffisiotherapi,  Cofrestriad HCPC, profiad sylweddol ar ôl graddio sy'n cynnwys profiad amlwg mewn maes clinigol cysylltiedig yn ogystal â phrawf o alluoedd clinigol ôl-radd ac arwain.  Bydd gennych sgiliau trefnu ardderchog hefyd a'r gallu i ddatrys problemau lluosog mewn cyd-destun carchar cyfnewidiol.

Unwaith y bydd y carchar yn agor, byddwch yn gyfrifol am:

• Datblygu a darparu gwasanaeth o ansawdd uchel ym maes Ffisiotherapi -
• Asesu a rheoli cleifion cymhleth
• Datblygu cyfleoedd i ymarfer sy'n ymestyn cwmpas Ffisiotherapi traddodiadol
• Hyfforddi a chefnogi Ffisiotherapyddion a staff cymorth i gynnig darpariaeth gwasanaeth o ansawdd uchel, wedi'i seilio ar dystiolaeth
• Trefniadau llywodraethu ym maes ffisiotherapi

Nodwch y bydd unrhyw gynnig cyflogaeth yn amodol ar dderbyn gwiriad manylach yn llwyddiannus gan y Gwasanaeth Datgelu a Gwahardd a phrosesau fetio'r carchar.

Prif ddyletswyddau'r swydd

Cymryd rôl glinigol i asesu a thrin cleifion ble bydd y baich achosion yn cynnwys cleifion â chyflyrau cymhleth iawn fel arfer. Bydd hyn drwy wybodaeth glinigol arbenigol iawn/ymarfer estynedig a chymhwysiad, archwilio, ymchwil ac addysg. Bydd angen cysylltu â nifer amrywiol o arbenigeddau amlddisgyblaethol a gwaith integredig â disgyblaethau ac asiantaethau eraill.

Gweithio fel Ffisiotherapydd annibynnol, clinigol, arbenigol iawn. Gweithio â'r therapydd Uwch Ymarferydd i ddatblygu a darparu gwasanaeth clinigol o ansawdd uchel. Arwain drwy esiampl; darparu asesiad a thriniaeth arbenigol o safon uchel i gleifion. Defnyddio egwyddorion yn seiliedig ar dystiolaeth / arfer gorau presennol ac uwch sgiliau clinigol a rhesymu clinigol i asesu, cynllunio, gweithredu a gwerthuso ymyriadau.

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych chi'n mwynhau her, yn awyddus i helpu eraill neu'n ffansi dechrau o'r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion cywir. Y sefydliad iechyd mwyaf yng Nghymru, sy'n darparu ystod lawn o wasanaethau ysbyty sylfaenol, cymunedol, iechyd meddwl, acíwt a dewisol ar gyfer poblogaeth o tua 700,000, ledled Gogledd Cymru. 

Ymunwch â'n tîm a chael y cymorth sydd ei angen arnoch, yn unol â'n Gwerthoedd Sefydliadol a'n fframwaith cymhwysedd 'Balch i Arwain'.
Mwynhewch fod yn rhan o weithio gydag arweinyddiaeth ymgysylltiedig ar bob lefel, a chael sicrwydd ein bod wedi ymrwymo i hyrwyddo cydraddoldeb ac amrywiaeth, ac rydym yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif e-bost yn rheolaidd. Bydd ymgeiswyr llwyddiannus yn derbyn yr holl ohebiaeth sy'n gysylltiedig â recriwtio drwy'r cyfrif e-bost sydd wedi'i gofrestru ar y ffurflen gais.

Gellir cyflwyno ceisiadau yn Gymraeg.  Ni fydd ceisiadau a gyflwynir yn Gymraeg yn cael eu trin yn llai ffafriol na chais a gyflwynir yn Saesneg.