Trosolwg o'r swydd

Bydd deilydd y swydd yn darparu gwasanaethau Porthora/Gyrru cynhwysfawr ac yn darparu cymorth hanfodol i leoliadau Gwasanaeth Brechu Integredig BIPBC er mwyn sicrhau y gellir cyflawni gwasanaethau. Disgwylir i'r porthor ymateb i amrywiaeth o heriau yn amgylchedd y gwaith, ac efallai y bydd y llwyth gwaith yn cynyddu oherwydd dylanwadau allanol gan gynnwys yr amgylchedd, y tywydd, galluoedd cleifion ac ati.  

Bydd y porthor yn gweithio fel aelod o'r tîm ac yn cyfrannu at redeg y gwasanaeth yn hwylus, gan ddarparu ymateb effeithiol ac effeithlon i 
geisiadau i symud cleifion, cynorthwyo yn ystod argyfyngau, casglu a danfon samplau, meddyginiaethau, brechlynnau ac ati. Bydd hefyd yn 
sicrhau y caiff tasgau eraill megis y canlynol eu cyflawni'r rheolaidd ac yn ddi-oed: danfon a chasglu trolïau storfeydd, y post a phecynnau gan 
gynnwys nodiadau cleifion (trefniant lleol), cyflenwadau domestig a nwyon at ddibenion meddygol, tywys cleifion a dyletswyddau eraill a allai godi o bryd i'w gilydd.

Er bod llawer o'r tasgau yn rhai arferol ar y cyfan, efallai na ellir rhagweld beth fydd anghenion y gwasanaeth o ran ei weithredu beunuddiol, felly bydd dull hyblyg yn hanfodol, a bydd disgwyl i ddeilydd y swydd ddefnyddio ei synnwyr cyffredin.

Prif ddyletswyddau'r swydd

Darparu gwasanaeth Porthora cynhwysfawr ar gyfer safleoedd y Gwasanaeth Bechu yn cyflawni ansawdd, effeithiolrwydd ac effeithlonrwydd yn gyson, a gweithio'n ddiogel, yn drefnus ac yn hyderus.

Mae'r gallu i siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg a/neu Saesneg wneud cais.  

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.