Trosolwg o'r swydd

Mae gennym gyfle cyffrous ym Mwrdd Iechyd Prifysgol Hywel Dda ar gyfer tri Uwch-Ymarferydd Ffisiotherapi – dau yn gweithio yn Sir Gaerfyrddin ac un yn Sir Benfro. Bydd y swyddi’n cefnogi datblygiad y llwybr cyhyrysgerbydol (MSK) drwy weithio i ddechrau o fewn y Gwasanaeth Asesu a Thrin Cyhyrysgerbydol Clinigol (CMATS). Wrth i lwybrau newid, bydd angen gweithio ar draws y llwybr MSK integredig, gan gynnwys meysydd fel Gofal Sylfaenol, gofal cleifion allanol a chlinigau rhyngwyneb MSK, yn dibynnu ar anghenion y gwasanaeth.

Bydd y swyddi yn Sir Gaerfyrddin wedi'u lleoli'n bennaf yn y cyfleuster newydd yn Pentre Awel, gyda chlinigau ychwanegol mewn lleoliadau eraill ledled Sir Gaerfyrddin (gan gynnwys safleoedd Dyffryn Aman, Cross Hands a Hafan Derwen). Bydd y swydd yn Sir Benfro wedi'i lleoli yn Ysbyty Cyffredinol Llwynhelyg, gyda chlinigau posibl yn Ysbyty De Sir Benfro ac Ysbyty Bwthyn Dinbych-y-pysgod. Mae'r holl leoliadau yn dibynnu ar y galw am y gwasanaeth.

Mae Bwrdd Iechyd y Brifysgol yn gweithio tuag at ddatblygu llwybr cwbl integredig, ac fel rhan o'r weledigaeth hon, bydd angen i ddeiliad y swydd weithio'n agos gyda'r tîm gofal sylfaenol MSK presennol, y gwasanaeth ffisiotherapi MSK craidd, a'r Gwasanaethau Asesu a Thrin Cyhyrysgerbydol Clinigol (CMATS). Bydd yn cynnig cyfle cyffrous i ehangu ffiniau ymarfer ffisiotherapi drwy weithio ar hyd y llwybr MSK cyfan, datblygu rhwydweithiau clinigol cryf a symleiddio llwybrau gofal i'n cleifion.

Prif ddyletswyddau'r swydd

Mae deiliad y swydd yn cael ei ystyried yn arbenigwr clinigol, ac mae angen iddo gynnal proffil clinigol uchel gan sicrhau darpariaeth gofal effeithiol ac effeithlon.

Ar y lefel hon, disgwylir i bob deiliad swydd weithio fel uwch-ymarferydd hynod fedrus a meddu ar wybodaeth arbenigol.

Prif ffocws y rôl yw gweithio fel uwch-ymarferydd annibynnol sy'n darparu gofal clinigol sy'n canolbwyntio ar y claf, gan ymgorffori sgiliau asesu, archwilio, gwneud diagnosis, trin ac adsefydlu cleifion o ran cyflyrau cyhyrysgerbydol. Nod y swyddi yw sicrhau canlyniadau gwell i gleifion drwy wella prydlondeb a chysondeb y gofal.

Bydd yr ymgeiswyr llwyddiannus yn cefnogi datblygiad y gwasanaeth hwn gan ddarparu arweinyddiaeth a chyflenwi gwasanaethau clinigol. Rydym yn chwilio am unigolion brwdfrydig a llawn cymhelliant sydd â sgiliau arweinyddiaeth profedig a phrofiad o weithio ar lefelau Cwmpas Estynedig neu Ymarfer Uwch. Mae hyfforddiant lefel MSc yn hanfodol.

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio.

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

• Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd
• Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro
• Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall
• 47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 99 o fferyllfeydd cymunedol; 43 o bractisau offthalmig cyffredinol; ac 8 o ddarparwyr offthalmig cartref
• Lleoliadau niferus yn darparu gwasanaethau iechyd meddwl ac anableddau dysgu