Mae Bwrdd Iechyd Prifysgol Hywel Dda yn croesawu ceisiadau gan feddygon yn y DU, rhai rhyngwladol a rhai ar y llwybr CESR ar gyfer swydd barhaol, lawn-amser i Meddyg Ymgynghorol mewn Meddygaeth Acíwt a Chyffredinol yn Ysbyty'r Tywysog Philip, Llanelli.

Mae'r rôl newydd hon yn rhan o ehangiad sylweddol y gwasanaethau Meddygaeth Acíwt ac yn cynnig cyfle prin i ddatblygu gyrfa uwch yn y GIG gan fwynhau un o'r ffyrdd o fyw mwyaf deniadol yn y DU. P'un a ydych eisoes yn gweithio yn y GIG neu'n ystyried symud o dramor, mae Hywel Dda yn cynnig amgylchedd cefnogol, cynhwysol a gwerth chweil yn broffesiynol lle gall clinigwyr ffynnu.

Pam Dewis Hywel Dda ar gyfer Eich Gyrfa a'ch Ffordd o Fyw?Mae Bwrdd Iechyd Prifysgol Hywel Dda yn unigryw o ran cyfuno ymarfer clinigol o safon a chydbwysedd gwirioneddol rhwng bywyd a gwaith.

Mae Ysbyty'r Tywysog Philip yn gwasanaethu cymunedau croesawgar Sir Gaerfyrddin, sef ardal sy'n enwog am y canlynol:
•    Arfordir a thraethau eithriadol o fewn cyrraedd hawdd
•    Parciau cenedlaethol, cefn gwlad a gweithgareddau awyr agored gerllaw
•    Tai fforddiadwy o gymharu â dinasoedd mawr y DU
•    Amseroedd cymudo byr a fawr ddim tagfeydd traffig
•    Cymunedau diogel, sy'n gyfeillgar i deuluoedd, ac ysgolion lleol da
•    Ymdeimlad cryf o gymuned, diwylliant a threftadaeth
Mae llawer o glinigwyr yn dewis symud i Hywel Dda i gefnu ar amgylcheddau trefol dan bwysau mawr, adennill cydbwysedd, ac ymarfer meddygaeth mewn lleoliad sy'n gwerthfawrogi cynaliadwyedd, llesiant a gofal sy'n canolbwyntio ar y claf.

Y Rôl
A chithau’n Ymgynghorol, byddwch yn uwch-benderfynwr clinigol wrth ddrws ffrynt yr ysbyty, sy'n arwain y gwaith o asesu, rhoi diagnosis a thrin cleifion meddygol acíwt ar draws:
•    Yr Uned Asesu Meddygol Acíwt (AMAU) 24 gwely
•    Gofal Argyfwng yr Un Diwrnod (SDEC)
•    Yr Uned Mân Anafiadau (MIU)
•    Clinigau arbenigedd mynediad sydyn, sy'n cefnogi osgoi derbyn i’r ysbyty a chamau dilynol cyflym.

Byddwch yn chwarae rhan allweddol o ran datblygu Canolfan Gofal Brys newydd, y bwriedir ei hagor yn 2026, ac yn cyfrannu at gyflawni gwasanaeth Meddygaeth Acíwt 7 niwrnod cynhwysfawr ar draws Ysbyty'r Tywysog Philip a'r Bwrdd Iechyd ehangach.

Yr Amgylchedd Clinigol a Chymorth
Byddwch yn gweithio mewn gwasanaeth Meddygaeth Acíwt cefnogol a datblygol, gan elwa ar y canlynol:
•    Cyfranogi mewn rota meddygol ar alwad 1:11 a gefnogir yn dda
•    Cymorth meddygon preswyl gan gynnwys meddygon Sylfaen, Cymrodyr IMT/Clinigol ac Uwch Gymrodyr Clinigol
•    Diagnosteg fodern gan gynnwys CT, MRI, uwchsain ac angiograffeg
•    Lle swyddfa pwrpasol a chymorth gweinyddol

Mae yna hefyd hyblygrwydd i fynd ar drywydd neu ddatblygu diddordebau is-arbenigedd neu gyswllt, gan gynnwys:
•    Meddygaeth Cardioleg, Anadlol neu Arennol
•    Meddygaeth Geriatrig
•    Strôc neu Niwroleg
•    Oncoleg neu Hematoleg Acíwt
•    Endocrinoleg

Gellir ymgorffori'r diddordebau hyn trwy drafodaethau ynghylchcynllunio swyddi a datblygu gwasanaethau.

Addysgu, Arwain a Datblygu Gyrfa
Mae addysgu ac arwain yn rhan annatod o'r rôl. Mae'r cyfrifoldebau'n cynnwys:
•    Addysgu a goruchwylio hyfforddeion israddedig ac ôl-raddedig
•    Bod yn Oruchwyliwr Addysgol
•    Arwain a chyfrannu at archwilio clinigol a gwella ansawdd
•    Hyrwyddo ymarfer seiliedig ar dystiolaeth a diogelwch cleifion

Gall uwch feddygon sydd newydd eu penodi hefyd gyrchu Rhaglen Datblygu a Mentora Meddygon Ymgynghorol Hywel Dda, sy’n cynnig hyfforddi gweithredol, hyfforddiant arwain a mentora, sy’n cydredeg â Fframwaith Cymhwysedd Arweinyddiaeth Feddygol y GIG.
Ein Gwerthoedd

Mae Bwrdd Iechyd Prifysgol Hywel Dda wedi ymrwymo i gyflawni gofal cynhwysol, tosturiol sy'n canolbwyntio ar y claf. Croesawn geisiadau gan feddygon o bob cefndir a llwybr gyrfa, ac rydym wedi ymrwymo i greu gweithle lle mae pawb yn teimlo wedi’i werthfawrogi a’i gefnogi, a lle y gall ddatblygu.

Ymholiadau ac Ymweliadau Anffurfiol
Anogir trafodaethau neu ymweliadau anffurfiol yn frwd. Gellir trefnu sgyrsiau rhithwir hefyd ar gyfer ymgeiswyr tramor.

Dr Scott O’Rourke
Meddyg Ymgynghorol ym maes Meddygaeth Anadlol ac Arweinydd Meddygaeth Acíwt
Ysbyty'r Tywysog Philip
Ffôn: +44 (0)1554 756567 

Dr Robin Ghosal
Cyfarwyddwr Ysbyty – Ysbyty’r Tywysog Philip ac Ysbyty Glangwili 
Ffôn: +44 (0)1554 756567

Gellir dod o hyd i ddisgrifiad swydd llawn a manyleb y person ynghlwm yn y dogfennau ategol ar y tudalen hon. 

Mae'r Bwrdd Iechyd yn ymrwymedig i gefnogi ei staff i gofleidio'r angen am ddwyieithrwydd, gan felly wella profiadau cleifion a defnyddwyr gwasanaethau. Yn rhan o'n hymrwymiad i gynyddu nifer y staff sy'n gallu cyfathrebu yn Gymraeg â chleifion a gweithwyr proffesiynol, rydym yn croesawu ceisiadau gan siaradwyr Cymraeg. 

Mae'r gallu i gyfathrebu yn Gymraeg yn ddymunol ar gyfer y swydd hon. Os nad ydych yn bodloni'r gofynion a nodir o ran y Gymraeg, mae'r Bwrdd Iechyd yn cynnig amrywiaeth o opsiynau dysgu a chymorth i staff i'ch helpu i fodloni'r gofynion dymunol hyn yn ystod eich cyflogaeth gyda ni.

 Gweler y dolenni isod am fideos defnyddiol sy'n ymwneud â'r swydd hon:

Hywel Dda 3 Sir - https://youtu.be/9wTeZD4cQOw

Ffordd o fyw yng Nghymru –https://youtu.be/rICFhN-0_nY?si=9pFkL_BkfEiQLzAo

Rhaglen Ddatblygu Arweinyddiaeth Feddygol Hywel Dda  –https://youtu.be/2fDHk9imTbo?si=OjYD8W41c-YNNVVA

Taith rhithwir - https://youtu.be/OvwKkiEtR3M