Trosolwg o'r swydd

Mae’r swydd hon am gyfnod penodol/secondiad 22.5  awr yr wythnos am 31/03/27 oherwydd cwrdd gofynion y gwasanaeth

Os oes diddordeb gyda chi mewn ceisio am swydd secondiad, mae’n rhaid i chi gael caniatad eich rheolwr llinell presennol cyn i chi geisio am y swydd hon.  

Mae’r gallu i siarad Cymraeg yn hanfodol ar gyfer y swydd hon.

Mae gan Fwrdd Iechyd Prifysgol Betsi Cadwaladr gyfle i Nyrs Feithrinfa Gymuned frwdfrydig ac arloesol i ymuno â'n Gwasanaeth Ymwelwyr Iechyd Dechrau'n Deg yn ardal Bethesda, Gogledd Cymru. Rydym yn chwilio am chwaraewr tîm brwdfrydig sydd â sgiliau cyfathrebu, trefnu a rhyngbersonol arbennig.  

Bydd deilydd y swydd yn hwyluso gwaith un i un, gwaith grŵp a gwaith cymuned sy'n anelu at fynd i'r afael ag anghydraddoldebau iechyd mewn partneriaeth â'r tîm aml-sgiliau ehangach. Bydd yn cymryd rôl allweddol wrth ddarparu cefnogaeth i rieni, hyrwyddo iechyd a rhaglenni gofal.  Bydd yn darparu gwasanaeth i deuluoedd fel y dynodwyd yn yr asesiad o anghenion a gynhaliwyd gan yr Ymwelydd Iechyd, ac yn ymgymryd â phecynnau cynlluniedig o gefnogaeth drwy weithredu rhaglenni gofal cynlluniedig a'u dadansoddi. Yn ogystal â hyn, bydd deilydd y swydd yn cyfrannu at y rôl iechyd cyhoeddus yn unol â mentrau iechyd cyhoeddus y llywodraeth.

Mae'r Bwrdd Iechyd yn cynnig Cwrs Cynefino a Goruchwyliaeth Glinigol barhaus a chefnogaeth gan ei Dîm Diogelu Plant a chyfleoedd ar gyfer hyfforddiant mewnol.

Prif ddyletswyddau'r swydd

Cefnogi Ymwelwyr iechyd i ddarparu rhaglen hybu iechyd yn y cartref, clinig a lleoliadau eraill yn y gymuned fel y cytunwyd.

Cyfrannu at roi'r Rhaglen Graidd ar waith yn unol â chytundeb lefel gwasanaeth y Bwrdd Iechyd a than gyfarwyddyd yr Ymwelydd Iechyd.

Yn dilyn asesiad cychwynnol gan yr Ymwelydd Iechyd, cyflwyno rhaglenni gofal dynodedig neu anghenion iechyd dilynol yn y cartref neu glinig.

Cynnal sgrinio ac/neu asesiadau datblygiadau ac asesiadau eraill sy’n ymwneud ag iechyd fel bo angen yn ôl cyfarwyddyd yr Ymwelydd Iechyd.

Cyfeirio at asiantaethau priodol ar y cyd â'r Ymwelydd Iechyd.

Sicrhau darpariaeth arfer a seiliwyd ar dystiolaeth er mwyn hwyluso gofal effeithiol. Cynnwys materion perthnasol i iechyd a lles diet; diogelwch; gofal deintyddol ac ati.

Gweithio gyda rhieni i gynyddu eu gwybodaeth a'u sgiliau er mwyn iddynt allu dynodi anghenion iechyd eu plant a'u bodloni o dan oruchwyliaeth yr Ymwelydd Iechyd.

Gweithio mewn partneriaeth â defnyddwyr y gwasanaeth a darparwyr; mynd i grwpiau cleientiaid, cyfarfodydd gwasanaethau cymdeithasol ar gyfarwyddyd yr Ymwelydd Iechyd.

Gweithio mewn partneriaeth â'r asiantaethau cymunedol, statudol a gwirfoddol i ddarparu a datblygu cynlluniau unigol a chymunedol o dan gyfarwyddyd yr Ymwelydd Iechyd.

Ymgymryd â chlinigau galw heibio.

Hwyluso grwpiau, e.e. grwpiau rhieni a babanod - o dan gyfarwyddyd yr Ymwelydd Iechyd.

Ymgymryd â sesiynau tylino babanod.

Helpu i drefnu rhaglenni rhieni a'u harwain.

Gweithio i'n sefydliad

Os ydych yn mwynhau her, os ydych yn angerddol dros helpu eraill neu'n syml eisiau dechrau newydd, yna mae gan Fwrdd Iechyd Prifysgol Betsi Cadwaladr (BIPBC), Gogledd Cymru, yr holl gynhwysion cywir.  Bwrdd Iechyd Prifysgol Betsi Cadwaladr yw’r sefydliad iechyd mwyaf yng Nghymru. Mae’n darparu ystod lawn o wasanaethau sylfaenol, cymunedol, iechyd meddwl, ysbytai llym a dewisol i boblogaeth o tua 700,000 ar draws Gogledd Cymru. Ymunwch â'n tîm i gael y gefnogaeth rydych ei hangen, yn unol â'n gwerthoedd Sefydliadol a'r fframwaith galluoedd 'Balch o Arwain'.

Mwynhewch fod yn rhan o weithio gydag arweinyddion brwdfrydig ar bob lefel, a gallwch gael sicrwydd ein bod wedi ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr dan y cynllun 'Cyflogwr Hyderus o ran Anabledd'.

Gwnewch yn siŵr eich bod yn gwirio eich cyfrif e-bost yn rheolaidd. Bydd ymgeiswyr llwyddiannus yn cael yr holl ohebiaeth yn ymwneud â recriwtio drwy'r cyfrif ebost a gofrestrwyd ar y ffurflen gais.

Gellir cyflwyno ceisiadau yn Gymraeg. Ni fydd ceisiadau a gyflwynir yn Gymraeg yn cael eu trin yn llai ffafriol na'r rhai a gyflwynir yn Saesneg.