Trosolwg o'r swydd

Cynnig cyfrifoldeb cyffredinol dros reoli'r tîm gweinyddol.  Rheoli targedau cytunedig a bennir gan Lywodraeth Cymru mewn perthynas â chyfeirio at driniaeth.  Monitro cynnydd o ran dulliau rheoli gweinyddol a rhoi adborth wythnosol ar gyflawniadau a chydweithio i gynllunio i fodloni'r targedau hyn.

Gan weithio'n agos gydg aelodau eraill y Tîm Rheoli, mae gan ddeilydd y swydd gyfrifoldeb weithredol a rheolaethol uniongyrchol dros y staff gweinyddol, clercyddol ac ysgrifenyddol yn y tîm. Bydd disgwyl i ddeilydd y swydd ganfod ffyrdd newydd a gwell o weithio ac i'w rhoi ar waith er mwyn helpu'r Tîm Rheoli i gyflawni amcanion gweithredol a strategol yr uwch adran. Bydd disgwyl i ddeilydd y swydd lunio gwybodaeth reolaidd ac ad hoc i ategu at fonitro dangosyddion ansawdd a chyflawni amcanion allweddol yr uwch adran.

Bydd disgwyl i ddeilydd y swydd weithio'n agos gyda chydweithwyr yn yr uwch adran ac adrannau eraill ar draws y Bwrdd Iechyd i hybu ymagweddau ar y cyd tuag at ddatrys problemau'n ymwneud â gwasanaethau.

Prif ddyletswyddau'r swydd

Yn rhinwedd y dyletswyddau, bydd deilydd y swydd yn gweithio o dan ei gymhelliant ei hun ar y cyfan, i ddelio â rheoli'r tîm o ddydd i ddydd, ac mae goruchwyliaeth anuniongyrchol ar gael dros y ffôn.  Bydd gofyn i ddeilydd y swydd gadw cyfrinachedd llym a bydd disgwyl iddo/iddi ddelio ag aelodau eraill o staff, cleifion, gofalwyr, perthnasau, staff meddygol ac ymwelwyr eraill â’r Adran, yn bersonol ac ar bapur, a hynny’n gwrtais a chan ddefnyddio disgresiwn bob amser.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.