Trosolwg o'r swydd

Rydym yn dymuno penodi Podiatrydd Band 7 brwdfrydig  i ymuno â'n tîm deinamig, yn gweithio ar draws ein Clinig Wlserau Traed Diabetig (DFU) arbenigol a’n ward gwasanaethau fasgwlaidd. Yn y rôl allweddol hon, byddwch yn cydweithio’n agos â'n Podiatrydd Arweiniol ynghylch gofal i gleifion mewnol, gan gyfrannu eich arbenigedd at ein clinigau DFU amlddisgyblaethol ddwywaith y dydd.
Mae hwn yn gyfle gwych i lunio a dyrchafu gwasanaethau podiatreg cleifion mewnol, gan lywio arferion gorau a chynnig gofal rhagorol i grŵp cleifion risg uchel. Er bod ein Podiatrydd Arweiniol hefyd yn gweithio ar draws y cwadrant gofal brys, bydd y rôl hon yn canolbwyntio ar waith gyda chleifion mewnol a’r clinig DFU, gan helpu i wella ein gwasanaeth ymhellach.
Yn ogystal â thîm cefnogol a chroesawgar, byddwch yn mwynhau ansawdd bywyd rhagorol yn ardal hardd Gogledd Cymru – yn amrywio o olygfeydd ysgubol o'r mynyddoedd ac arfordiroedd trawiadol i lwybrau cerdded diddiwedd, ac mae’r cyfan yn agos at ddinas fywiog Caer.
Dewch atom ni i wneud gwahaniaeth go iawn - yn broffesiynol ac yn bersonol.

Prif ddyletswyddau'r swydd

Bod yn rhan o dîm llawn cymhelliant, gyda o leiaf 5 mlynedd o brofiad GIG ôl-gofrestru, gweithio'n annibynnol yn y gymuned a lleoliadau llym, gan ddarparu gofal podiatreg arbenigol i unigolion a grwpiau; cefnogi rheolaeth o achosion cymleth a hybu grymuso unigolion i hunan reoli eu cyflyrau.

Darparu darpariaeth podiatreg cleifion mewnol i gleifion â phroblemau traed; cefnogi datblygiad clinigol, ei weithredu a'i ddarparu a gwerthuso arfer gorau, gan weithredu fel ffynhonnell arbenigedd. Bydd disgwyl i chi ddangos gwybodaeth arbenigol a lefel uchel o sgil personol a bod yn gyfrifol am hyfforddiant staff, eu goruchwylio ac asesu eu perfformiad. Byddwch angen sylfaen wybodaeth damcaniaethol cadarn ac yn gallu dangos arfer yn seiliedig ar dystiolaeth.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Mae’r gallu i siarad Cymraeg yn ddelfrydol ar gyfer y swydd hon; mae Cymraeg a/neu Saesneg geisio am y swydd hon. 

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.