Trosolwg o'r swydd

Mae cyfle cyffrous wedi codi i swyddog clerigol ymuno â'r tîm yn Ysbyty Llandudno. Diben y swydd hon yw darparu gwasanaeth gweinyddol a derbynfa effeithlon a chynhwysfawr i Ysbyty Llandudno.  Yr ymgeisydd llwyddiannus fydd y pwynt cyswllt cyntaf ar gyfer cyfathrebu dros y ffôn. Bydd deiliad y swydd yn gweithio yn nhimau gweinyddol Ysbyty Llandudno ynghyd â gweinyddydd y safle i ddarparu gwasanaeth gweinyddol di-dor i'r ysbytai cymunedol

Mae'r gallu i siarad Cymraeg yn hanfodol ar gyfer y swydd hon

Prif ddyletswyddau'r swydd

Pwrpas y rôl yw:

• Cynnig cymorth cyffredinol i ddarparwyr gwasanaethau a defnyddwyr a chreu delwedd bositif a chyfeillgar i gleifion ac ymwelwyr eraill, naill ai wyneb yn wyneb neu dros y ffôn.
• Derbyn cleifion, eu hasesu a'u cyfeirio o ran cael mynediad at y gwasanaeth neu'r gweithiwr proffesiynol gofal iechyd mwyaf priodol, yn gwrtais, effeithiol ac yn effeithlon.
• Ymgymryd ag amryw o ddyletswyddau gweinyddol i gynorthwyo i redeg y Swyddfa Gyffredinol yn esmwyth, yn cynnwys darparu cefnogaeth glercyddol i staff clinigol ac aelodau eraill o'r tîm

·         Hwyluso cyfathrebu effeithiol rhwng cleifion, aelodau o'r tîm, gofal eilaidd, ac asiantaethau gofal iechyd a lles cysylltiedig eraill

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.