Trosolwg o'r swydd

Mae rôl Rheolwr Cynorthwyol y Gyfarwyddiaeth yn cefnogi perfformiad y Gyfarwyddiaeth drwy reoli tîm a fydd yn darparu gwasanaethau yn y meysydd gweithredol canlynol: 

• Metrigau Perfformiad, llywodraethu ac adrodd 

• Recriwtio a Chadw, gan gynnwys dadansoddi'r gweithlu a chynllunio adnoddau 

• Rheolaeth ariannol, gan gynnwys monitro ac adrodd 

• Cyfathrebu ac ymgysylltu 

• Gwella a Datblygu Gwasanaethau yn Barhaus 

• Contractau a chaffael 

Prif ddyletswyddau'r swydd

Byddwch yn gyfrifol am reolaet tîm Gwasanaeth Rheoli'r Gyfarwyddiaeth - adeiladu a chynnal y tîm, bod yn atebol am berfformiad y tîm gan sicrhau eu bod yn frwdfrydig, yn cydweithio ac yn gweithio'n dda. 

Byddwch yn nodi rhwystrau, er enghraifft pobl, prosesau a thechnoleg, ac yn defnyddio eich ymreolaeth i helpu'r tîm i'w goresgyn ac annog a hwyluso gwelliant parhaus y tîm cyflawni. 

Byddwch yn hyfforddi a mentora aelodau'r tîm ac eraill yn weithredol i gymhwyso'r offer a'r technegau mwyaf priodol i ddarparu gwasanaeth o ansawdd uchel, ymatebol ac effeithlon. 

Gweithio i'n sefydliad

Mae Iechyd a Gofal Digidol Cymru (IGDC) yn gorff cenedlaethol arbenigol ac yn rhan o GIG Cymru. Rydym yn gweithio mewn partneriaeth â chydweithwyr yn GIG Cymru a rhanddeiliaid allweddol eraill i ddarparu gwasanaethau digidol a data cenedlaethol sy’n cefnogi’r gwaith o ddarparu iechyd a gofal cymdeithasol yng Nghymru. Mae gwasanaethau iechyd a gofal modern yn dibynnu ar offer digidol, data a gwybodaeth da. Mae IGDC yn rhedeg neu’n gweithio gyda mwy na 100 o wasanaethau ac yn darparu rhaglenni trawsnewid digidol cenedlaethol mawr i gefnogi hyn. Yn ogystal, mae IGDC yn darparu cyngor arbenigol mewn perthynas â seiberddiogelwch a llywodraethu gwybodaeth. Rydym yn rhoi’r offer digidol i staff rheng flaen sy’n eu helpu i ddarparu gofal mwy diogel a mwy effeithlon. Rydym hefyd yn rhoi offer digidol i gleifion a’r cyhoedd i reoli eu hiechyd a’u llesiant eu hunain yn well, gan rymuso pobl i fyw bywydau iachach. Rydym yn rhoi pobl wrth wraidd popeth a wnawn, gan weithio i’r safonau uchaf i ddarparu ansawdd ac i wneud digidol yn rym er gwell ym maes iechyd a gofal. 

Mae gweithio i DHCW yn cynnig llawer o fuddion i weithwyr, gan gynnwys gweithio hyblyg, cyflog cystadleuol, 28 diwrnod o wyliau blynyddol yn ogystal â gwyliau banc a chyfleoedd i ddatblygu gyrfa. Rydym wedi ymrwymo i gydnabod a dathlu ein staff fel y rhan fwyaf gwerthfawr o’n sefydliad.