HealthJobsUK

Trosolwg o'r swydd

Mae cyfle cyffrous wedi codi i uwch reolwr profiadol arwain, siapio a dylanwadu ar ein tîm Proffesiynol a Chlinigol sy’n canolbwyntio ar bobl yn yr Is-adran Gofal Sylfaenol.
Byddwch yn arwain y tîm Gwasanaethau Proffesiynol a Chlinigol yn strategol wrth reoli’r ddarpariaeth barhaus a’r datblygiad trawsnewidiol, dan ddylanwad Byrddau Iechyd GIG Cymru, Contractwyr Gofal Sylfaenol a Llywodraeth Cymru.
I lenwi’r rôl hon yn llwyddiannus, rydym yn chwilio am uwch reolwr profiadol sydd â hanes amlwg o gyflawni prosiectau moderneiddio a thrawsnewid ar draws amgylcheddau cymhleth.   Bydd gennych yr awdurdod a'r egni i gynghori a dylanwadu ar gydweithwyr a rhanddeiliaid ar y lefelau uchaf yn GIG Cymru, Llywodraeth Cymru a sefydliadau eraill. Yn bwysicaf oll, bydd gennych awydd i lywio ac arwain y tîm trwy gyfnod cyffrous wrth i'n gwasanaethau barhau i dyfu.  Fel aelod allweddol o Uwch Dîm Rheoli Gwasanaethau Gofal Sylfaenol, rydym yn chwilio am ymgeiswyr sydd â phrofiad o weithio mewn amgylcheddau cymhleth, system gyfan a gwleidyddol sensitif ac sy’n gallu dangos arddull arweinyddiaeth cynhwysol sy’n ysbrydoli eraill. 
Os ydych chi o’r farn y gallwch chi wneud gwahaniaeth a sicrhau gwerth gwirioneddol i Gymru, yna byddem wrth ein bodd yn clywed gennych.

Prif ddyletswyddau'r swydd

Bydd deiliad y swydd yn chwarae rhan annatod fel rhan o uwch dîm rheoli’r Gwasanaethau Gofal Sylfaenol wrth osod a chyflawni’r agenda strategol ar gyfer yr is-adran. Bydd hyn wedi’i gysylltu, yn y bôn, â gweledigaeth gyffredinol y Cydwasanaethau o ddod yn sefydliad o safon fyd-eang. 

Yn benodol, bydd y rôl hon yn datblygu ac yn gweithredu’r agenda foderneiddio ar gyfer y GGS o ran darparu amgylchedd cadarn a safonol i alluogi staff i lwyddo yn y sefydliad. Bydd hefyd yn brif gyswllt rhwng y GGS a’i gymunedau o gwsmeriaid a rhanddeiliaid allanol.

Bydd yn ymgysylltu’n uniongyrchol ac yn meithrin perthnasoedd proffesiynol cadarn â rhanddeiliaid. Bydd hefyd yn sicrhau bod pob math o gyfathrebu o ansawdd uchel ac yn galluogi dull rhagweithiol o wella gwasanaethau yn barhaus.

Gweithio i'n sefydliad

Mae gennym safonau uchel ac rydym yn disgwyl i bawb ymgorffori ein gwerthoedd Gwrando a Dysgu, Gweithio Gyda'n Gilydd, Cymryd Cyfrifoldeb ac Arloesi, tra'n sicrhau bod ymddiriedaeth, gonestrwydd a thosturi yn rhan annatod o bopeth a wnawn. Rydym yn hyblyg, yn ystwyth ac yn ymfalchïo yn y ffaith ein bod yn sefydliad sy’n dysgu, lle mae’n ddiogel gwneud camgymeriadau, lle caiff bai ei ddisodli gan gyfleoedd i ddysgu a gwella. Mae arloesi yn rhan o bopeth a wnawn. Cydnabyddwn ein pobl yn rheolaidd trwy'r Orsaf Werthfawrogi, i annog staff i ganmol ymddygiad rhagorol ymysg ei gilydd ac fe gynhelir seremoni Gwobrau Cydnabyddiaeth Staff Blynyddol sy'n cyd-fynd â'n gwerthoedd. Rydym yn parchu ac yn gwerthfawrogi ein pobl ac yn ymdrechu i greu diwylliant o dosturi a chynwysoldeb. Rydym yn sefydliad dwyieithog sydd â thîm o Hyrwyddwyr Newid sy’n hyrwyddo ‘Dyma Ein PCGC’ ein prif raglen newid. Yn yr un modd, BALCH yw ein rhwydwaith staff newydd sy’n croesawu cydweithwyr a chynghreiriaid LHDT+ i ddod ynghyd mewn man diogel i gael trafodaethau, i gynllunio digwyddiadau ac i gael y cyfle i adeiladu rhwydweithiau cefnogol. Mae gennym becyn buddion cynhwysfawr lle mae rhywbeth at ddant pawb. Mae’n cefnogi iechyd, ymgysylltiad a lles ac mae’n cynnwys Rhaglen Cymorth i Weithwyr. Mae gennym dros 30 o Swyddogion Cymorth Cyntaf Iechyd Meddwl ac rydym yn gweithio mewn partneriaeth â sefydliadau lleol a chenedlaethol i sicrhau llesiant a gwydnwch ein pobl.