Trosolwg o'r swydd

Bydd yr Ymgynghorydd Recriwtio yn ymgymryd â’r gwaith o weinyddu’r broses recriwtio o ddydd i ddydd ar gyfer meysydd anfeddygol.

O dan arweiniad y Rheolwr Recriwtio Cynorthwyol a Chydlynwyr y Tîm Recriwtio, bydd yr ymgynghorydd yn sicrhau y caiff yr holl gamau recriwtio ar gyfer penodiadau mewn adrannau penodol eu cymryd yn unol â’r safonau y cytunwyd arnynt a Gweithdrefn Weithredu Safonol Cymru Gyfan.

Bydd yn rhoi cymorth i uwch-aelodau’r Tîm Gwasanaethau Recriwtio wrth sefydlu prosesau a systemau yn y gwasanaethau recriwtio.

Bydd yn cyfrannu at agenda recriwtio genedlaethol ar gyfer Cymru Gyfan yn ôl yr angen.

Prif ddyletswyddau'r swydd

Mae cyfle cyffrous wedi codi yn adran Gwasanaethau Cyflogaeth, Partneriaeth Cydwasanaethau GIG Cymru.

Rydym yn dîm deinamig ac amrywiol, sy’n ymrwymedig i ddarparu gwasanaeth recriwtio ardderchog i’r Byrddau Iechyd a’r Ymddiriedolaethau ledled Cymru.
Rydym yn chwilio am unigolion sy’n awyddus i ddysgu ac i ragori o ran perfformiad a gwasanaeth cwsmeriaid.

Rydym yn darparu cymorth gweinyddol recriwtio i reolwyr yn y Byrddau Iechyd ac i ymgeiswyr gan ddefnyddio systemau electronig, ac rydym hefyd yn cynnig cyngor ac arweiniad lle y bo angen. O’r herwydd mae sgiliau cyfrifiadur, sgiliau cyfathrebu a sgiliau bysellfwrdd da yn hanfodol ar gyfer y rôl hon.
Fel tîm, rydym yn rhannu ac yn cynnal gwerthoedd y sefydliad ym mhob peth a wnawn.

Os ydych chi’n rhannu ein gwerthoedd ac yn teimlo y byddwch chi’n gallu cyfrannu at ein tîm a’r gwasanaeth a ddarparwn, ni waeth beth fo’ch profiad blaenorol na’ch cefndir addysgol, byddem yn croesawu’ch cais.

Yn unol â Rheoliadau a chanllawiau cyfredol Llywodraeth Cymru, gall y rôl fod yn rhannol gartref i ddechrau.   Byddwch yn cael y gefnogaeth a'r offer y bydd eu hangen arnoch i allu gweithio gartref, ond mae cysylltiad â’r we/WiFi yn hanfodol.

Mae'r gallu i siarad Cymraeg yn ddymunol ar gyfer y swydd hon; mae croeso cynnes i siaradwyr Cymraeg a/neu Saesneg fel ei gilydd wneud cais.

Gweithio i'n sefydliad

Mhartneriaeth Cydwasanaethau GIG Cymru (PCGC) rydym yn disgwyl i bawb arddel ein gwerthoedd sef: Gwrando a Dysgu, Cydweithio, Cymryd Cyfrifoldeb ac Arloesi.

Mae ein sefydliad yn annog dull gweithio ystwyth ac rydym yn ymfalchïo mewn bod yn sefydliad sy'n dysgu ac sy’n cael ei ysgogi gan welliant parhaus.

Rydym wedi ymrwymo i greu gweithle cynhwysol sy’n gwerthfawrogi cydraddoldeb, amrywiaeth a chynhwysiant, gan ganolbwyntio ar lesiant a pherthyn i’n pobl.

Mae gwasanaeth cwsmeriaid rhagorol yn rhywbeth yr ydym yn ymgyrraedd ato, ar gyfer ein cwsmeriaid mewnol ac allanol.

Rydym yn cynnig pecyn buddion cynhwysfawr, gyda rhywbeth i bawb.  I gael gwybod mwy am weithio i ni, y buddion rydym yn eu cynnig a chanllawiau ar y broses ymgeisio ewch i https://pcgc.gig.cymru/gweithio-i-ni/

Mae PCGC yn gweithio mewn ffordd ystwyth lle bo modd. Bydd gan bob swydd ganolfan weithio gontractiol, ond fel rhan o ffyrdd ystwyth o weithio gallai hynny olygu gweithio gartref ac mewn lleoliadau eraill. Rydym hefyd yn edrych ar sut rydym yn cydbwyso hyblygrwydd gyda chymuned, a sut i reoli cyfleoedd i ddysgu oddi wrth ein gilydd.