Trosolwg o'r swydd

Ar hyn o bryd, mae'r Adran Arlwyo yn Ysbyty Bronglais yn bwriadu penodi Cogydd i ymuno â'r tîm mawr o unigolion yn yr adran, a hynny i ddarparu gwasanaeth coginio effeithiol ac effeithlon. 

Bydd yr ymgeisydd llwyddiannus yn chwarae rôl hanfodol yn y tîm wrth sicrhau bod bwyd yn cael ei baratoi i'r safon uchaf.

Bydd hyfforddiant llawn yn cael ei roi, ond bydd yn ofynnol i'r ymgeisydd llwyddiannus feddu ar City & Guilds 706/1 a 2 neu gymhwyster cyfatebol. 

Y contract sydd ar gael ar hyn o bryd yw un swydd 22.5 awr.

Prif ddyletswyddau'r swydd

Mae'r contract hwn ar gyfer gweithio amryw ddiwrnodau yn ystod yr wythnos, a hynny ar sail rota dreigl chwe wythnos. Bydd yn ofynnol i chi weithio penwythnosau a Gwyliau Banc yn ôl y gofyn, a rhoddir taliad ychwanegol am hynny. 

Bydd y dyletswyddau'n cynnwys:

• Coginio prydau bwyd cartref a saladau ar gyfer y cleifion, y staff a'r cyhoedd. 
• Paratoi prydau deietegol arbennig ar gyfer cleifion yn ôl y gofyn. 
• Cadw'r ardal goginio'n lân ac yn daclus bob amser a llenwi ffurflenni HACCP perthnasol. 

Darperir hyfforddiant llawn yn yr adran.

Mae'r oriau gwaith rhwng 07:00 a 20:00.

Bydd yr ymgeisydd llwyddiannus yn cael iwnifform staff. 

Mae’r gallu i siarad Cymraeg yn ddelfrydol ar gyfer y swydd hon; mae Cymraeg a/neu Saesneg geisio am y swydd hon.

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio.

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd

 Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro

Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall.