Trosolwg o'r swydd

Mae swydd hon yn Cyfnod Penodol/ Secondiad tan 31.12.26. Os ydych yn gyflogai i Fwrdd Iechyd Prifysgol Hywel Dda ac yn gwneud cais am secondiad i'r swydd hon, bydd angen i'ch rheolwr presennol gytuno i'r secondiad cyn i chi gyflwyno eich cais.

Ar hyn o bryd, rydym yn chwilio am rywun i gyflenwi dros gyfnod mamolaeth yn ein Hadran Recriwtio ar gyfer yr adrannau canlynol: 

Meddyg Ymgynghorol ac ymarferydd Cyffredinol, y tîm Recriwtio Meddygol wedi'i leoli yng Nghaerfyrddin.

Bydd yn ofynnol i chi weithio'n hyblyg yn y Tîm Recriwtio, gan hefyd gefnogi'r Cynghorydd Recriwtio a'r Uwch-gynghorydd Recriwtio o ran darparu proses recriwtio effeithlon, effeithiol, a diogel.

Prif ddyletswyddau'r swydd

Yn ogystal â bod yn bwynt cyswllt allweddol ar gyfer rheolwyr recriwtio, bydd yr ymgeisydd llwyddiannus yn gweithio'n rhan o dîm prysur ac yn gyfrifol am oruchwylio'r tîm o ddydd i ddydd.

Bydd hyn yn cynnwys darparu cymorth ac arweiniad i'r tîm, cydlynu a dyrannu llwyth gwaith, a hyfforddi aelodau newydd o'r tîm. Byddwch hefyd yn rhoi cymorth i'r Cynghorydd Adnoddau i sicrhau bod y prosesau recriwtio yn y Bwrdd Iechyd yn effeithlon, yn effeithiol ac yn ddiogel.

Gan y byddwch yn gweithio gydag amrywiaeth o randdeiliaid, bydd yn ofynnol i chi gadw gwerthoedd y Bwrdd Iechyd wrth graidd eich gweithrediadau o ddydd i ddydd.

Oherwydd natur y swydd, mae meddu ar sylw profedig i fanylion a sgiliau gwasanaeth cwsmeriaid yn hanfodol i'r ymgeisydd llwyddiannus.

Daw’r cyfle hwn ar adeg gyffrous i’r swyddogaeth recriwtio wrth i ni weithio tuag at drawsnewid y llwybr recriwtio i sicrhau gwasanaeth personol i’r holl randdeiliaid.

Mae'r gallu i siarad Cymraeg yn ddymunol ar gyfer y swydd hon; Mae croeso cynnes i siaradwyr Cymraeg a / neu Saesneg wneud cais.

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio.

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

• Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd
• Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro
• Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall
• 47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 99 o fferyllfeydd cymunedol; 43 o bractisau offthalmig cyffredinol; ac 8 o ddarparwyr offthalmig cartref
• Lleoliadau niferus yn darparu gwasanaethau iechyd meddwl ac anableddau dysgu