Trosolwg o'r swydd

Mae cyfle cyffrous a gwerth chweil wedi codi i nyrs brofiadol sy’n llawn cymhelliant ymuno â’r tîm Wroleg. Swydd Nyrs Glinigol Arbenigol Band 7 llawn-amser sydd ar gael, yn Ysbyty Cyffredinol Glangwili, Caerfyrddin ac ar draws y Bwrdd Iechyd.

Mae’r rôl ganolog hon yn gyfle i gael effaith ystyrlon ar ofal cleifion trwy ddarparu gwasanaeth nyrsio wroleg arbenigol o safon. Bydd deiliad y swydd yn darparu cyngor clinigol arbenigol, yn cydlynu llwybrau cleifion cymhleth, ac yn bwynt cyswllt allweddol i gleifion sy’n llywio eu taith ddiagnostig a thriniaeth. Gan gydweithio mewn tîm amlddisgyblaethol dynamig, bydd yr ymgeisydd llwyddiannus yn cyfrannu at ddatblygu a gwella gwasanaethau wroleg yn barhaus, gan sicrhau bod y gofal yn ddiogel, yn effeithiol ac yn wirioneddol ganolbwyntio ar y claf.

Yn ymarferydd ymreolaethol, bydd y Nyrs Glinigol Arbenigol yn defnyddio sgiliau asesu a phenderfynu clinigol uwch i gefnogi cleifion ar draws y llwybr wroleg, gan hefyd ddarparu arweinyddiaeth, arweiniad ac arbenigedd i gyd-weithwyr. Mae’r rôl hon yn gyfle gwych i ddatblygu sgiliau ymarfer uwch ymhellach ac arwain meysydd allweddol o ran darparu gwasanaethau ac arloesi.

Prif ddyletswyddau'r swydd

Bydd deiliad y swydd yn chwarae rôl allweddol wrth ddarparu gwasanaeth nyrsio wroleg arbenigol o safon, gan sicrhau bod cleifion yn cael gofal diogel, effeithiol a thosturiol trwy gydol eu llwybr clinigol. Mae hwn yn gyfle gwerth chweil i weithio ar lefel uwch, gan gefnogi cleifion ag anghenion cymhleth wrth lunio’r gwasanaethau a ddarperir.

Mae’r cyfrifoldebau allweddol yn cynnwys y canlynol:

Darparu cyngor clinigol arbenigol, arweiniad, a chefnogaeth emosiynol i gleifion a’u teuluoedd ar draws ystod o lwybrau wroleg, gan sicrhau dull personol sy’n canolbwyntio ar y claf Asesu, cynllunio, gweithredu a gwerthuso gofal mewn modd cynhwysfawr yn unol ag arferion cyfredol sy’n seiliedig ar dystiolaeth, canllawiau cenedlaethol, a phrotocolau lleol.

Bod yn bwynt cyswllt pwrpasol i gleifion, gan gydlynu gofal ar draws timau amlddisgyblaethol i sicrhau mynediad amserol at ymchwiliadau, triniaeth ac ôl-driniaeth 

Cyfrannu at fentrau datblygu gwasanaethau, archwilio a gwella ansawdd, gan gefnogi’r broses o wella gwasanaethau wroleg a chanlyniadau cleifion yn barhaus.

Darparu addysg, arweiniad a chymorth arbenigol i gyd-weithwyr nyrsio a’r tîm amlddisgyblaethol ehangach, gan hyrwyddo safonau uchel o ymarfer clinigol.

Mae’r rôl hon yn cynnig y cyfle i ddylanwadu ar lwybrau cleifion, gwella gwasanaethau a ddarperir, a chyfrannu at welliannau parhaus yn y gwasanaethau wroleg. 

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio.

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

• Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd
• Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro
• Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall
• 47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 99 o fferyllfeydd cymunedol;
•  43 o bractisau offthalmig cyffredinol; ac 8 o ddarparwyr offthalmig cartref
• Lleoliadau niferus yn darparu gwasanaethau iechyd meddwl ac anableddau dysgu